బాలీవుడ్‌ స్టార్‌ హీరో ఆమిర్ ఖాన్ (Aamir Khan) ఇప్పటివరకు ఇద్దరిని పెళ్లి చేసుకున్నాడు. అయితే కొన్నాళ్లకు ఇద్దరికీ విడాకులు ఇచ్చేశారు. ఇప్పుడు మూడో పెళ్లికి సిద్ధంగా ఉన్నాడో లేదో తెలియదు కానీ రిలేషన్‌కి సిద్ధంగా ఉన్నాడని బాలీవుడ్‌ టాక్‌. అయితే మొదటి భార్య (మాజీ) గురించి రెండో భార్య (మాజీ) చేసిన కొన్ని వ్యాఖ్యలు ఇప్పుడు సోషల్‌ మీడియాలో వైరల్‌గా మారాయి. అయితే ఆ కామెంట్స్‌ చాలా ఏళ్లుగా ఆమె మీద వస్తున్న విమర్శల గురించే కావడం గమనార్హం.
మొదటి భార్య రీనా దత్తా నుండి ఆమిర్ ఖాన్ విడాకులు తీసుకోవడానికి కారణం రెండో భార్య కిరణ్‌ రావ్‌ (Kiran Rao) అని గత కొన్నేళ్లుగా బాలీవుడ్‌ మీడియాలో వార్తలు వస్తున్నాయి. అయితే ఇటీవల మీడియాతో మాట్లాడిన కిరణ్‌ రావ్‌ ఈ విషయాన్ని కొట్టిపారేశారు. అసలు ఆమిర్‌తో పెళ్లి సమయంలో ఏం జరిగిందో చెప్పారు. ‘లగాన్‌’ సినిమా సమయంలో ఆమిర్‌కు, తనకు రిలేషన్‌ మొదలైందని చాలామంది అనుకుంటున్నారని, కానీ అందులో ఎలాంటి నిజం లేదని కిరణ్‌ రావు తెలిపారు.
ప్రముఖ దర్శకుడు అశుతోష్ గోవారికర్‌తో కిరణ్‌ రావ్‌ కొన్ని వాణిజ్య ప్రకటనలు చేసేవారట. అప్పటికే ఆమిర్‌తో పరిచయం ఉన్నా… చాలా రోజుల తర్వాత ఆమిర్‌ను అక్కడ కలిశారట. అలా దాదాపు నాలుగేళ్ల తర్వాత రీకనెక్ట్‌ అయ్యామని కిరణ్‌ రావ్‌ చెప్పారు. అప్పటివరకూ ఇద్దరం టచ్‌లో లేం అని చెప్పారామె. ‘లగాన్‌’ టైమ్‌లో అసలు ఆమిర్‌తో మాట్లాడలేదట. వేరే వ్యక్తితో బంధంలో ఉన్న వ్యక్తిని పెళ్లి చేసుకోవాలనుకున్నప్పుడు కొన్ని మాటలు భరించాల్సి ఉంటుంది అని ఆమె పరిస్థితిని వివరించారు.
అందుకే ఆమిర్, కిరణ్‌ రావ్‌ కపుల్‌ కౌన్సిలింగ్‌కి వెళ్లారట. అప్పుడు ఎలాంటి పరిస్థితులు వచ్చినా పరస్పరం నిజాయితీగా ఉండాలని నిర్ణయించుకున్నాం అని కిరణ్‌ రావ్‌ తెలిపారు. అలా 2005లో ఆమిర్ – కిరణ్‌ రావ్‌ వివాహం జరిగింది. ఇంత ప్రేమగా ఉన్న ఆమిర్ – కిరణ్‌ రావ్‌ 2021లో విడాకులు తీసుకున్నారు. వీరికి ఒక బాబు ఉన్నాడు. పరస్పర అంగీకారంతో సుమారు 16 ఏళ్ల వైవాహిక బంధానికి స్వస్తి పలికారు. 1986లో రీనాదత్తాను వివాహం చేసుకున్న ఆమిర్ 2002లో విడిపోయిన సంగతి తెలిసిందే.
ఘనంగా హీరోయిన్ మీరా చోప్రా పెళ్లి.. వైరల్ అవుతున్న ఫోటోలు
భర్తకు షాకిచ్చిన సీరియల్ నటి.. ఏమైందంటే?
సిద్ధు జొన్నలగడ్డ ఆ హీరోయిన్ ను పెళ్లి చేసుకోనున్నారా.. ఏం జరిగిందంటే?
Home
