నిఖిల్ ఫ్లాప్ సినిమాలకు కూడా ఈ పరిస్థితి ఏర్పడలేదేమో. షూటింగ్ కంప్లీట్ అయిపోయి, ఫస్ట్ కాపీ వచ్చేసి కూడా రెండు నెలలు కావస్తున్నా ఇప్పటికీ తన తాజా చిత్రం ‘కిర్రాక్ పార్టీ’ రిలీజ్ విషయంలో క్లారిటీ లేదు. ముఖ్యంగా “ఎక్కడికిపోతావు చిన్నవాడా, కేశవ” లాంటి సూపర్ హిట్ చిత్రాల అనంతరం వస్తున్న సినిమా అయినప్పటికీ “కిర్రాక్ పార్టీ” రిలీజ్ విషయంలో జరుగుతున్న జాప్యానికి నిఖిల్ కి ఉన్న కొద్దిపాటి అభిమానులు కూడా అసంతృప్తి వ్యక్తం చేస్తున్నారు.
కన్నడలో ఘన విజయం సొంతం చేసుకొన్న “కిరిక్ పార్టీ” చిత్రాన్నే నిఖిల్ “కిర్రాక్ పార్టీ”గా రీమేక్ చేస్తున్నాడు. శరణ్ కొప్పిశెట్టి దర్శకత్వంలో తెరకెక్కుతున్న ఈ చిత్రానికి చందు మొండేటి, సుధీర్ వర్మలు కూడా వర్క్ చేయడం విశేషం. ఏకే ఎంటర్ టైన్మెంట్ సంస్థ నిర్మిస్తున్న ఈ చిత్రంలో నిఖిల్ సరసన కథానాయికలుగా సిమ్రాన్, సంయుక్త హెగ్డేలు కథానాయికలుగా నటించారు. ఈ చిత్రాన్ని మార్చి 22న విడుదల చేస్తారనే టాక్ వినబడినప్పటికీ.. ఎట్టకేలకు మార్చి 16న విడుదల చేస్తున్నట్లు చెబుతున్నారు కొందరు. ఈ విషయమై చిత్రబృందం అఫీషియల్ కన్ఫర్మేషన్ ఇవ్వాల్సి ఉంది. పాపం నిఖిల్ స్వయంగా పూనుకొని తన ఫేస్ బుక్ లేదా ట్విట్టర్ ఎకౌంట్ ద్వారా అఫీషియల్ డేట్ ను ఫిక్స్ చేసేవరకూ ఈ కన్ఫ్యూజన్ కి అంతం ఉండదు.
Home