మరో తమిళ దర్శకుడిపై నిర్మాత కన్ను!

సరైన డైరెక్టర్ దొరికితే హీరోలను సెట్ చేసుకోవడం ఈజీ అవుతుంది. అందుకే నిర్మాతలంతా టాలెంట్ ఉన్న దర్శకుల కోసం చూస్తున్నారు. ఒకవేళ హీరో నిర్మాతకు డేట్స్ ఇచ్చినా.. డైరెక్టర్ లేకపోతే ఇక అంతే. ఇప్పుడు బ్యానర్ కంటే డైరెక్టర్ కీలకమయ్యారు. అందుకే నిర్మాతలు సరైన డైరెక్టర్ దొరక్కగానే.. అడ్వాన్స్ ఇచ్చి దగ్గర పెట్టుకుంటున్నారు. నిర్మాత శ్రీనివాస్ చిట్టూరి కూడా అదే చేస్తున్నారు. బోయపాటిని పట్టుకొని రామ్ తో సినిమా సెట్ చేసుకున్నారు.

అలానే వెంకట్ ప్రభు దర్శకత్వంలో చైతు హీరోగా మరో సినిమా చేస్తున్నారు. ఇప్పుడు మరో డైరెక్టర్ ని లైన్ లో పెట్టారు. అతడే ప్రదీప్ రంగనాధన్. తమిళంలో చిన్న సినిమాగా విడుదలైన ‘లవ్ టుడే’ ఎంత పెద్ద హిట్ అయిందో తెలిసిందే. ఇప్పుడు ఈ సినిమాను తెలుగులోకి డబ్ చేసి రిలీజ్ చేస్తున్నారు. నిర్మాత దిల్ రాజు తెలుగులో ఈ సినిమాను రిలీజ్ చేస్తున్నారు. అతి తక్కువ బడ్జెట్ తో తీసిన ఈ సినిమా నిర్మాతకు భారీ లాభాలు తీసుకొచ్చింది.

కొత్త పాయింట్ తో సినిమాను తీశారు. ఈ సినిమాతో దర్శకుడు ప్రదీప్ తన టాలెంట్ నిరూపించుకున్నారు. ఇదివరకు ప్రదీప్ రంగనాధన్ ఒకట్రెండు సినిమాలు తీశారు. కానీ ఈ సినిమాతో అతడికి మంచి బ్రేక్ వచ్చింది. దీంతో ఇప్పుడు ఈ డైరెక్టర్ ని తెలుగులోకి తీసుకురావడానికి రెడీ అయ్యారు నిర్మాత శ్రీనివాస్ చిట్టూరి. ఇప్పటికే డైరెక్టర్ కి అడ్వాన్స్ ఇచ్చి లాక్ చేశారు.

యూత్ లో ఈ డైరెక్టర్ కి వచ్చిన క్రేజ్ చూసి మన హీరోలు ప్రదీప్ తో కలిసి వర్క్ చేసే ఇంట్రెస్ట్ చూపించే అవకాశాలు బాగానే ఉన్నాయి. నిర్మాత శ్రీనివాస్ చిట్టూరి ఓ మిడ్ రేంజ్ హీరోని ఈ ప్రాజెక్ట్ కోసం లాక్ చేయాలనుకుంటున్నారు. నాని లాంటి హీరోలు వెరైటీ కథలంటే చేయడానికి రెడీగా ఉంటారు. మరి ఏ హీరో దొరుకుతారో చూడాలి!

యశోద సినిమా రివ్యూ& రేటింగ్!
సరోగసి నేపథ్యంలో వచ్చిన సినిమాలు ఏంటంటే..?

‘కె.జి.ఎఫ్’ టు ‘కాంతార’..బాక్సాఫీస్ వద్ద అత్యధిక కలెక్షన్లు రాబట్టిన కన్నడ సినిమాల లిస్ట్..!
నరేష్ మాత్రమే కాదు ఆ హీరోలు కూడా భార్యలు ఉన్నప్పటికీ హీరోయిన్లతో ఎఫైర్లు నడిపారట..!