శ్రీను వైట్ల అపజయాలపై కోన వెంకట్ ఏమన్నారంటే ?

స్టార్ డైరక్టర్ శ్రీను వైట్ల, స్టార్ రైటర్ కోన వెంకట్ మంచి మిత్రులు. వీరిద్దరి కాంబినేషన్లో వచ్చిన వెంకీ, ఢీ, రెడీ, దూకుడు సినిమాలు సూపర్ హిట్ గా నిలిచాయి. ఆగడు సినిమా సమయంలో శ్రీను వైట్ల,  కోన వెంకట్ మధ్య బేధాభిప్రాయాలు వచ్చాయి. మీడియా ముఖంగా ఒకరినొకరు తిట్టుకున్నారు. ఆ తర్వాత బ్రూస్లీ సినిమాకి కలిసి పనిచేశారు. అది కూడా అపజయం పాలవడంతో ఇద్దరి మధ్య దూరం మరింత పెరిగింది. కొత్త రైటర్స్ టీమ్ తో శ్రీను వైట్ల మిస్టర్ చిత్రాన్ని తెరకెక్కించారు. అది కూడా ఫ్లాప్ జాబితాలో చేరిపోయింది. దీంతో సోషల్ మీడియాలో మిస్టర్ అపజయాన్ని ఎంజాయ్ చేస్తున్న కోన వెంకట్ అనే వార్తల జోరు పెరిగింది.

ఈ విషయం కోన వెంకట్ కి చేరడంతో.. ఆయన స్పందించారు. “శ్రీను వైట్ల సినిమా ఫెయిల్ అవ్వడం వల్ల నేను ఆనందిస్తున్నానని కొంతమంది చెబుతున్నారు. అది వాస్తవం కాదు. శ్రీను సినిమాలే కాదు, నా సినిమాలు కూడా కొన్ని ఫ్లాప్ అయ్యాయి.  సినిమా హిట్, ఫ్లాప్ మన చేతుల్లో లేదు. అంతేకాదు ఎదుటువారి అపజయాన్ని చూసి నేను నవ్వను” అని స్పష్టం చేశారు. అంతేకాదు శ్రీను వైట్లతో ఇప్పటికి తనకి మంచి సంబంధం ఉందని తెలిపారు.

Also, do SUBSCRIBE to our YouTube channel to get latest Tollywood updates.