మాస్ మహారాజ్ రవితేజ(Ravi Teja) ఇప్పుడు ఓ స్టార్ హీరో. కానీ కెరీర్ ప్రారంభంలో అతను ఇండస్ట్రీలో ఎన్నో కష్టాలు అనుభవించాడు. రవితేజకి సినీ బ్యాక్ గ్రౌండ్ లేదు.
పూరీ జగన్నాథ్, రాంగోపాల్ వర్మ, కృష్ణవంశీ వంటి అగ్ర దర్శకుల వద్ద అసిస్టెంట్ గా పనిచేశాడు. లైట్ మెన్ గా, అసిస్టెంట్ డైరెక్టర్ గా రవితేజ చాలా కష్టపడ్డాడు. ఆ టైంలో ఎన్నో అవమానాలు కూడా అనుభవించాడు.
కానీ ఇప్పటివరకు ఏనాడూ వాటి గురించి రవితేజ ప్రస్తావించింది లేదు. రవితేజ ఆటిట్యూడ్ అలాంటిది. చాలా మంది కెరీర్ ప్రారంభంలో ఎదుర్కొన్న కష్టాల గురించి ఏదో ఒక సందర్భంలో మాట్లాడటం జరిగింది. కానీ రవితేజ ఎప్పుడూ అలా చెప్పింది లేదు.
అయితే ఇటీవల ఓ సందర్భంలో స్టార్ రైటర్ కోన వెంకట్ రవితేజని కెరీర్ ప్రారంభంలో ఓ నిర్మాత దారుణంగా అవమాననించాడు అంటూ ఓ షాకింగ్ విషయాన్ని బయటపెట్టాడు. కోన వెంకట్ మాట్లాడుతూ… “రవితేజ అసిస్టెంట్ డైరెక్టర్ గా ఉన్నప్పుడు తిండి తింటుంటే దానికి కూడా నిరాకరించాడు ఒక ప్రొడ్యూసర్.’అడ్డమైనోళ్ళని డైనింగ్ టేబుల్ దగ్గర ఎందుకు కూర్చోబెడతారని?’ విమర్శించాడు.
కట్ చేస్తే…’అమ్మా నాన్న ఓ తమిళ అమ్మాయి’ షూటింగ్ టైంలో రవితేజ క్యార్ వ్యాన్ బయట తిరుగుతున్నాడు ఆ ప్రొడ్యూసర్. రవితేజ అపాయింట్మెంట్ కోసం అని..! నేను రవితేజకి చెప్పా.. ‘పొరపాటున కూడా అతనికి డేట్స్ ఇవ్వొద్దు’ అని…! అందుకు రవితేజ.. ‘లేదు. అతనికి డేట్స్ ఇచ్చి, అతని బ్యానర్లో సినిమా చేయడమే నా నిజమైన సక్సెస్’ అని అన్నాడు” అంటూ చెప్పుకొచ్చాడు.
రవితేజ గ్రాటిట్యూడ్ ఎలాంటిదో చెప్పడానికి ఇంతకంటే గొప్ప ఎగ్జామ్పుల్ ఏముంటుంది. అలాంటి ఉన్నతమైన ఆలోచనలు ఉన్నాయి కాబట్టే.. రవితేజ స్టార్ అయ్యాడు.
Read Today's Latest
Movie News Update. Get
Filmy News LIVE Updates on FilmyFocus
