Kondapolam Trailer: ఓ వైపు దొంగలు మరోవైపు పెద్దపులితో వైష్ణవ్ తేజ్ సవాల్!

ఉప్పెన సినిమాతో ఈ ఏడాది వెండితెరకు పరిచయమైన మెగా మేనల్లుడు వైష్ణవ్ తేజ్ మరొక సినిమాతో బాక్సాఫీస్ హిట్ అందుకునేందుకు సిద్ధమవుతున్నాడు. మొదటి సినిమా థియేట్రికల్ గా విడుదల కాకముందే కొండపోలం సినిమా షూటింగ్ పూర్తయిన విషయం తెలిసిందే. చాలా రోజుల నుంచి విడుదల కోసం ఎదురుచూస్తున్న ఈ సినిమా ఫైనల్ గా అక్టోబర్ నెల 8న ప్రేక్షకుల ముందుకు రాబోతోంది. ఇక సినిమాకు సంబంధించిన ట్రైలర్ ను ఇటీవల విడుదల చేశారు.

దర్శకుడు క్రిష్ ఎలాంటి కథలను సెలెక్ట్ చేసుకుంటారు అనేది ప్రత్యేకంగా చెప్పనవసరం లేదు. మంచి సామాజిక అంశాలను తనదైన శైలిలో అన్ని వర్గాల ప్రేక్షకులకు అర్థమయ్యేలా చూపిస్తూ ఉంటారు. ఇక ఈ సారి వైష్ణవ్ తేజ్ తో కొండపల్లి అనే ఒక కథను తనదైన శైలిలో చూపించబోతున్నారు. నల్లమల్ల అడవిలో జీవించే ఒక గిరిజన యువకుడు ఉన్నత చదువులు చదువుకొని ఉద్యోగం కోసం వేట మొదలు పెట్టి ఆ తరువాత ఆ మార్గంలో విఫలమవడంతో మళ్లీ గొర్రెలు కాసుకుంటు కొండపొలంలో జీవిస్తుంటాడు.

ఇక ఆ ప్రయాణంలో ఓబులమ్మ అనే అమ్మాయితో ప్రేమలో పడటం ఆ తర్వాత అడవిలో ఉండే ఒక పెద్ద పులి వల్ల ప్రమాదం పొంచి ఉండడం వంటి సన్నివేశాలు ట్రైలర్ లో హైలెట్ గా చూపించారు. అదే క్రమంలో కొంత మంది దొంగల బెడద కూడా అడవి ఉందని చూపించారు. అడవిలో పులులు మరియు దొంగల రూపంలో వైష్ణవ్ తేజ్‌కు పెద్ద సవాలు ఎదురవుతుంది. అతను గొర్రెలను అలాగే అడవిలోని గ్రామాన్ని ఎలా సంరక్షిస్తాడు అనేది సినిమాలో ప్రధాన అంశం. అన్ని భావోద్వేగాలతో కూడిన కొండపొలం ట్రైలర్ చాలా ఆకట్టుకుంటుంది.

లవ్ స్టోరీ సినిమా రివ్యూ & రేటింగ్!

హిట్ టాక్ వచ్చిన తర్వాత ఈ 10 సినిమాల్లో సీన్స్ లేదా సాంగ్స్ యాడ్ చేశారు..!
‘బిగ్ బాస్5’ ప్రియాంక సింగ్ గురించి ఆసక్తికరమైన విషయాలు..!
ఇప్పటవరకూ ఎవరు చూడని ‘బిగ్ బాస్5’ విశ్వ రేర్ ఫోటో గ్యాలరీ!