రాంచరణ్ కు ఫోన్ చేసి విషెస్ చెప్పిన కొరటాల..!

March 27, 2023 / 05:45 PM ISTByFilmy Focus

Join Us

రాంచరణ్ కు ఫోన్ చేసి విషెస్ చెప్పిన కొరటాల..!

టాలీవుడ్లో రాజమౌళి తర్వాత అపజయమెరుగని దర్శకుడిగా కొరటాల శివ పేరు ఎక్కువగా వినిపించేది. ఆయనతో ఏ హీరో సినిమా చేసినా.. ఆ హీరో కెరీర్లో బిగ్గెస్ట్ హిట్ పడేది. కానీ ‘ఆచార్య’ సినిమా ఫలితం కంప్లీట్ గా తేడా కొట్టింది. ఈ సినిమాతో కొరటాల కొన్నాళ్ళపాటు అండర్ గ్రౌండ్ కు పారిపోయాడు. మీడియా ముందుకు రావడానికి అతను ఏ మాత్రం ధైర్యం చేయలేకపోయాడు. అందుకు సినిమా ఫ్లాప్ అవ్వడం ఒక్కటే కారణం కాదు.

‘ఆచార్య’ నష్టాలకు కొరటాలను నిలదీస్తూ.. డిస్ట్రిబ్యూటర్లు ఆయన ఇంటి ముందు నిరసన చేసే వరకు వెళ్ళింది పరిస్థితి. ఈ క్రమంలో కొరటాల.. తన ప్రాపర్టీ కొంత అమ్మి అప్పులు తీర్చడం జరిగింది. అంతేకాకుండా మెగా ఫ్యామిలీకి అతను దూరమవ్వడం కూడా జరిగింది. ఇక భవిష్యత్తులో కొరటాల.. మెగా ఫ్యామిలీతో కలిసే ఛాన్స్ లేదు అని అంతా అనుకుంటున్నారు. అయితే ఈరోజు రాంచరణ్ పుట్టినరోజు కావడంతో కొరటాల శివ.. చరణ్ కు ఫోన్ చేసి ప్రత్యేకంగా బర్త్ డే విషెస్ చెప్పడమే కాకుండా…

‘ఆర్ఆర్ఆర్’ లోని ‘నాటు నాటు’ కి ఆస్కార్ రావడం విషయం పై చరణ్ ను అభినందించాడట. అటు చరణ్ కూడా కాసేపు కొరటాలతో సరదాగా ముచ్చటించడం జరిగిందట. ఈ క్రమంలో ‘ఎన్టీఆర్’ ప్రస్తావన రావడం.. కొరటాలకు చరణ్ ఆల్ ది బెస్ట్ చెప్పడం కూడా జరిగిందట. చరణ్ తో కొరటాలకి ఎటువంటి ప్రాబ్లమ్ లేదు అని ఈ సంఘటనతో ప్రూవ్ అయ్యింది. చిరుతో ‘ఆచార్య’ చేయడానికి ముందు నుండి కొరటాల – చరణ్ బెస్ట్ ఫ్రెండ్స్.

Koratala Siva With Ram Charan

వీరి కాంబినేషన్లో రెండు సార్లు సినిమా అనౌన్స్ చేయడం.. అది కార్యరూపం దాల్చకపోవడం జరిగింది. చిరంజీవి- కొరటాల కాంబినేషన్ ను సెట్ చేసిందే చరణ్. ‘ఆచార్య’ కి రాంచరణ్ కూడా ఓ నిర్మాతగా వ్యవహరించిన సంగతి అందరికీ తెలిసిందే. ఈ సినిమా మిస్ ఫైర్ అవ్వడంతో వీరి మధ్య చిన్న గ్యాప్ వచ్చిందేమో కానీ అది పెద్ద వివాదం అయితే కాదని తెలుస్తుంది.