కొరటాల శివ దర్శకత్వంలో సూపర్ స్టార్ మహేష్ బాబు చేస్తున్న “భరత్ అనే నేను” సినిమా ఫస్ట్ ఓత్ జనవరి 26న రిలీజ్ అయి విశేషంగా ఆకట్టుకుంది. ముఖ్యమంత్రిగా మహేష్ నటిస్తున్న ఈ మూవీ టీజర్ ” “ది విజన్ ఆఫ్ భరత్’ పేరుతో రిలీజ్ అయి రికార్డు సృష్టించింది. ఈ వీడియో 19గంటల్లోనే కోటి డిజిటల్ వ్యూస్ని రాబట్టి ఔరా అనిపించింది. ఈ చిత్రం ద్వారా బాలీవుడ్ బ్యూటీ కైరా అద్వానీ (Kiara Advani) తెలుగు తెరకు పరిచయం అవుతున్న సంగతి తెలిసిందే. అయితే ఆమె టీజర్ లో ఎక్కడా కనిపించలేదు.
మరి ఆమె ఏ రోల్ పోషిస్తున్నట్లు ఆరా తీయగా అసలు విషయం బయటపడింది. ముఖ్యమంత్రికి పీఏ రోల్ ని కైరా అద్వానీ పోషించనున్నట్లు తెలిసింది. పీఏ అని సింపుల్ గా తీసుకోవడానికి వీలు లేదు.. కథలో ఆమె రోల్ కి చాలా ఇంపార్టెన్స్ ఉందంట. కీలకమైన సమయంలో కైరా రోల్ కథని మలుపుతిప్పుతుందని ఫిలిం నగర్ వాసులు చెప్పారు. ప్రముఖ నిర్మాత డి.వి.వి. దానయ్య నిర్మిస్తున్న ఈ సినిమాకి రాక్ స్టార్ దేవీ శ్రీ ప్రసాద్ సంగీతం అందిస్తున్నారు. ఇండస్ట్రీ హిట్ శ్రీమంతుడు కాంబినేషన్లో వస్తున్న ఈ మూవీ ఏప్రిల్ 20న విడుదల కానుంది.
