చిరంజీవికోసం స్క్రిప్ట్ సిద్ధం చేస్తోన్న కొరటాల శివ.!

వరుసగా నాలుగు హిట్లు అందుకున్న కొరటాల శివ నెక్స్ట్ ప్రాజక్ట్ ఎవరితో ?.. అనేది టాలీవుడ్ వర్గాల్లో ఆసక్తికరంగా మారింది. ఆయన అభిమానులు కూడా నెక్స్ట్ హీరో ఎవరో తెలుసుకుందామని ఎదురుచూస్తున్నారు. ఒక్కో రోజు ఒక్కో హీరో పేరు వినిపిస్తోంది. మొన్నటివరకు అల్లు అర్జున్ ని కొరటాల డైరక్ట్ చేస్తారని ప్రచారం సాగింది. బన్నీ మాత్రం విక్రమ్ కె కుమార్ తో కలిసి కోలీవుడ్ లో అడుగుపెట్టాలని తాపత్రయం పడుతున్నారు. సో తాజా సమాచారం ప్రకారం కొరటాల నెక్స్ట్ హీరో మెగాస్టార్ అని తెలిసింది. భరత్ అనే నేను సినిమా చూసి మహేష్ బాబు, కొరటాలని చిరు బాగా మెచ్చుకున్నారు.

ఆ సందర్భంలోనే చిరు కొరటాలని ఏదైనా లైన్ ఉంటే చెప్పమని కోరగా.. మంచి కథ చెప్పారంటా. అందుకు మెచ్చుకున్నా చిరు స్క్రిప్ట్ సిద్ధం చెయ్ చేద్దామని మాట ఇచ్చారని ఫిలిం నగర్ వాసులు చెప్పుకుంటున్నారు. మెగాస్టార్ ఒకే చెప్పడంతో శివ స్క్రిప్ట్ పనుల్లో దిగిపోయారు. మూడు నెలల్లో ఈ స్క్రిప్ట్ కంప్లీట్ చేసి చిరంజీవికి చెప్పాలని అనుకుంటున్నారు. అప్పటి లోపున చిరు సైరా నరసింహారెడ్డి షూటింగ్ ని దాదాపు పూర్తి చేయనున్నారు. స్క్రిప్ట్ బాగుంటే కొరటాల తో 152 మూవీ ఖాయమని తెలుస్తోంది. ఎప్పటి నుంచో మెగాహీరోలతో సినిమా చెయ్యాలని కొరటాల శివ అనుకుంటున్నారు. ఇది వరకు రామ్ చరణ్ తో సినిమా మొదలై ఆగిపోయింది. ఈ సారి అవకాశాన్ని మిస్ చేసుకోకూడదని కష్టపడుతున్నారు.