మహేష్ లుక్ పై దృష్టి పెట్టిన కొరటాల శివ

సూపర్ స్టార్ మహేష్ బాబు ప్రస్తుతం మురుగదాస్ దర్శకత్వంలో యాక్షన్ థ్రిల్లర్ స్పైడర్ మూవీ చేస్తున్నారు. ఈ మూవీ చివరి షెడ్యూల్ రామోజీ ఫిల్మ్ సిటీలో జరుగుతోంది. దీని తర్వాత కొరటాల శివతో సినిమాని మొదలెట్టనున్నారు. డీవీవీ దానయ్య నిర్మిస్తున్న ఈ చిత్రానికి “భరత్ అను నేను” అని పేరుని ఖరారు చేశారు. వచ్చే నెల నుంచి సెట్స్ మీదకు వెళ్లనున్న ఈ సినిమాకి ప్రీ ప్రొడక్షన్ పనులు వేగంగా జరుగుతున్నాయి. లండన్ రిటన్స్ గా ప్రిన్స్ నటిస్తున్న ఈ ఫిల్మ్ గురించి ఆసక్తికర విషయం బయటికి వచ్చింది. ఇందులో మహేష్ లుక్ పై కొరటాల దృష్టి పెట్టినట్లు తెలిసింది.

రీసెంట్ గా భరత్ అను నేను సినిమా కోసం మహేష్ పై ముంబై లో ఫోటో షూట్ కూడా చేశారని సమాచారం. ఈ లుక్ సూపర్ గా ఉన్నట్లు చిత్ర బృందం వెల్లడించింది. కొరటాల శివ, మహేష్ కాంబినేషన్లో వచ్చిన తొలి మూవీ శ్రీమంతుడు ఇండస్ట్రీ హిట్ కొట్టింది. అనేక రికార్డులను నెలకొల్పింది. వాటిని రెండో మూవీ బద్దలు కొట్టాలని డైరక్టర్ శ్రమిస్తున్నారు. రాక్ స్టార్ దేవీ శ్రీ ప్రసాద్ సంగీతమందిస్తున్న ఈ చిత్రంలో మహేష్ పక్కన బాలీవుడ్ బ్యూటీ కైరా అద్వాని నటించనుంది.

Also, do SUBSCRIBE to our YouTube channel to get latest Tollywood updates.