ఆ స్టార్ హీరోతో నిర్మాతగా మారనున్న కొరటాల?

‘భరత్ అనే నేను’ చిత్రం వచ్చి ఏడాది పూర్తవుతున్నా.. ఇంకా తన తదుపరి చిత్రాన్ని మొదలుపెట్టలేదు దర్శకుడు కొరటాల శివ. మెగాస్టార్ చిరంజీవి 152 వ చిత్రాన్ని కొరటాల డైరెక్ట్ చేయబోతున్న సంగతి తెలిసిందే. అందుకే ‘సైరా నరసింహారెడ్డి’ చిత్రం పూర్తయ్యే వరకూ కొరటాల వెయిట్ చేస్తున్నాడు. ప్రస్తుతం అందుకు సంబంధించిన పనులు చకచకా జరుగుతున్నాయి.ఆగస్టులో ఈ చిత్రం యొక్క పూజా కార్యక్రమాలను నిర్వహించనున్నారు. ఇదిలా ఉండగా..కొరటాల ఓ భారీ చిత్రానికి నిర్మాతగా వ్యవహరించబోతున్నట్టు ఫిలింనగర్లో టాక్ వినిపిస్తుంది.

• మల్లేశం సినిమా రివ్యూ కోసం ఇక్కడ క్లిక్ చెయ్యండి
• ఏజెంట్ సాయి శ్రీనివాస ఆత్రేయ సినిమా రివ్యూ కోసం ఇక్కడ క్లిక్ చెయ్యండి

తన స్నేహితులతో కలిసి ఈ భారీ బడ్జెట్ చిత్రాన్ని నిర్మించనున్నారు. ఓ స్టార్ హీరోతో ఈ చిత్రాన్ని నిర్మించబోతున్నారట. వీలైనంత త్వరగా ఈ చిత్రాన్ని సెట్స్ పైకి తీసుకువెళ్ళాలని ప్రయత్నిస్తున్నారట. ఇక ఈ చిత్రానికి దర్శకుడు ఎవరనేది త్వరలో ప్రకటించనున్నారని సమాచారం. దర్శకుడిగా సక్సెస్ ఫుల్ గా దూసుకుపోతున్న కొరటాల నిర్మాతగా కూడా సక్సెస్ అవుతాడేమో చూడాలి.