కొరటాల కథను ఒకే చేసిన మెగాస్టార్ చిరంజీవి!

“కొడితే కుంభస్థలాన్ని కొట్టాలి” అనే నానుడిని అందరూ వినే ఉంటారు. అయితే.. ఆ నానుడిని కాస్త గట్టిగా పాటిస్తున్నది మాత్రం రైటర్ టర్నడ్ డైరెక్టర్ కొరటాల శివ. తొలి చిత్రం రెబల్ స్టార్ ప్రభాస్ తో చేస్తే, సెకండ్ సినిమాకే మహేష్ బాబుతో, ఇక మూడో సినిమా ఎన్టీయార్ ను డైరెక్ట్ చేసి.. ముగ్గురు స్టార్ హీరోలకు కెరీర్ బెస్ట్ హిట్స్ ఇచ్చాడు కొరటాల శివ. ఇక వరుస ఫ్లాప్స్ తో కొట్టుమిట్టాడుతున్న మహేష్ బాబుకు కూడా “భరత్ అనే నేను”తో ఇండస్ట్రీ హిట్ కట్టబెట్టిన కొరటాల శివ తన అయిదో సినిమా విషయంలో ఇప్పటివరకూ ఎలాంటి క్లారిటీ ఇవ్వలేదు. అఖిల్, అల్లు అర్జున్, నానిల పేర్లు వినిపిస్తున్నప్పటికీ.. చివరాఖరికి మెగాస్టార్ చిరంజీవిని తన తాజా సినిమా హీరోగా ఫిక్స్ అయినట్లు తెలుస్తోంది.

ఇటీవల చిరంజీవికి కొరటాల ఒక కథ చెప్పగా.. ఆయనకి విపరీతంగా నచ్చేసిందట. అందుకే ఇమ్మీడియట్ గా చిరంజీవి సినిమాకి సంబంధించిన ప్రీప్రొడక్షన్ వర్క్ కూడా మొదలెట్టి.. దసరా నుంచి రెగ్యులర్ షూట్ స్టార్ట్ చేయనున్నారట. రామ్ చరణ్ కొణిదెల ప్రొడక్షన్స్ బ్యానర్ లో నిర్మించనున్నాడట.