బాలయ్య…నీ సింప్లిసిటీ అమోఘం!!!

గౌతమీ పుత్ర శాతకర్ణి విజయంలో నందమూరి బాలయ్య సరికొత్త రికార్డులకు ప్రాణం పోస్తున్నాడు…అయితే అదే క్రమంలో బాలయ్య ఎంతటి కమిట్‌మెంట్ ఉన్న వ్యక్తినో…బాలయ్య ఎంతటి సింప్లిసిటీ కలిగిన వ్యక్తినో….చాలా మందికి తెలియదు….అయితే బయట కొన్ని ముష్కర, మూర్ఖ మనస్తత్వం ఉన్న వాళ్ళు బాలయ్యపై విష ప్రచారం చేస్తూ ఉంటారు….అదే క్రమంలో అసలు బాలయ్య సింప్లిసిటీ గురించి….ఆయన మంచితనం గురించి దర్శకుడు క్రిష్ మరియు ప్రముఖ దర్శకుడు, నిర్మాత తమ్మారెడ్డి భరద్వాజ్ ఏమంటున్నారు అంటే…క్రిష్ మాట్లాడుతూ….జార్జియాలో షూటింగ్ సందర్భంగా బాలయ్య లగ్జరీ సూట్లలో కాకుండా మిగతా నటీనటులకు బుక్ చేసిన మామూలు గదులనే తనకూ కేటాయించమని బాలయ్య చెప్పడం, అలాగే ఫ్లైట్ జర్నీ సందర్భంగా బిజినెస్ క్లాస్ వద్దని.. ఎకానమీ క్లాస్ లోనే ప్రయాణించడానికి పట్టుబట్టడం, ఇండియాకు డైరెక్ట్ ఫ్లైట్ ఉన్నప్పటికీ.. దానికి ఎక్కువ ఖర్చవుతుందని భావించి మధ్యలో ఒక చోట దిగి వేరే ఫ్లైట్ ఎక్కడానికే మొగ్గు చూపడం, అలాగే హోటల్లో బస చేస్తున్నపుడు అక్కడి నుంచే వాటర్ బాటిళ్లు తెప్పించుకుంటే విపరీతమైన రేట్లు వేస్తారని చెప్పి.. బయటికి వెళ్లినపుడు వాటర్ బాటిళ్లు తనే కొనుక్కుని వెంట తెచ్చుకోవడం, అసలు అంతటి అశేష అభిమానులు ఉన్న హీరోల్లో ఎలా ఇంత సింప్లిసిటీ ఉన్న హీరోని తాను ఎక్కడా చూడలేదు అంటున్నాడు క్రిష్.

ఇక తమ్మారెడ్డి మాట్లాడుతూ…తన అనుభవాలను వివరించారు…..వజ్రోత్సవ వేడుకల సందర్భంగా బాలయ్య ఎంతగా సహకరించింది తమ్మారెడ్డి గుర్తు చేసుకుంటూ….ఉదయం అందరి కంటే ముందే రిహార్సల్స్ కోసం వచ్చేవాడని.. అప్పుడప్పుడూ స్టేజ్ ఖాళీ లేకున్నా.. చిన్న ఆర్టిస్టులు ప్రాక్టీస్ చేస్తున్నా ఓపిగ్గా ఎదురు చూసేవాడని.. ప్రతి పనికీ తన పర్మిషన్ అడిగేవాడని.. సాయంత్రం వెళ్లొచ్చా అని అడిగి మరీ వెళ్లేవాడని.. బయట బాలయ్య గురించి విన్నదానికి నేరుగా చూసిందానికి చాలా తేడా ఉందని తమ్మారెడ్డి తెలిపాడు. అదీ బాలయ్య అంటే….

Also, do SUBSCRIBE to our YouTube channel to get latest Tollywood updates.