‘ఉప్పెన’ పాటకు బేబమ్మ అదరగొట్టేసింది

‘ఉప్పెన’లో కృతి శెట్టిని బేబమ్మగా చూసి.. కుర్రకారు ఎందుకు మనసు పారేసుకుంది? అని అడిగితే ఏం చెబుతారు. ఆమె అందరి హార్ట్‌ ఫేవరేట్‌ అయిపోవడానికి చాలా కారణాలే ఉన్నాయి. ఆమె వావ్‌ నటన, క్యూట్‌ లుక్స్‌, సూపర్‌ డ్యాన్స్‌, ముచ్చటైన ఎక్స్‌ప్రెషన్స్‌… ఇలా పెద్ద లిస్టే వస్తుంది. అయితే ఆమె నుండి ‘యే దిల్ మాంగే మోర్‌’ అనే ఫీలింగ్‌ మీకుందా? అయితే మీ లాంటి వారి కోసం కృతి శెట్టి ఓ స్పెషల్‌ వీడియో చేసింది. అందులో కృతి డ్యాన్స్‌, ఎక్స్‌ప్రెషన్స్‌కి ఫిదా అయిపోతున్నారు నెటిజన్లు.

‘ఉప్పెన’ సినిమాలోని పాటలు సంగీత ప్రియులను ఎంతగానో ఆకట్టుకున్నాయి. అందులోని ‘ఈశ్వరా.. పరమేశ్వరా…’ అంటూ సాగే పాట గుర్తుంది కదా!. సినిమా విడుదలకు కొద్ది రోజుల ముందు ఈ పాట విడుదల చేశారు. విన్నప్పుడు ఎంత బాగుందో… సినిమాలో ఇంకా నచ్చేసింది. అయితే సినిమాలో ఆ పాటకు నాట్యం చేసే అవకాశం హీరోయిన్‌ కృతి శెట్టికి రాలేదు. చూసే అవకాశం ప్రేక్షకులకూ కలగలేదు. దీంతో అందరూ నిరాశకు గురయ్యారు.

అయితే కృతి ఇప్పుడు నర్తకిగా మారి ఆ పాటకు నాట్యం చేసింది. తాజాగా ఆ వీడియోను అభిమానులతో పంచుకుంది. చంద్రబోస్‌ రచించిన ఈ పాటకు సంగీత దర్శకుడు దేవిశ్రీప్రసాద్‌ బాణీలు అందించడంతో పాటు ఆలపించారు. ఈ వీడియోలో కృతి శెట్టి పలికించిన హావభావాలు అందర్నీ ఆకట్టుకునేలా ఉన్నాయి. నాట్యం చేస్తున్నప్పుడు ఆమె వేసిన ముద్రలు, భంగిమలు అద్భుతం అని అందరూ మెచ్చుకుంటున్నారు. మరి ఆ వీడియో మీరూ చూసేయండి మరి.!

శ్రీకారం సినిమా రివ్యూ & రేటింగ్!
జాతి రత్నాలు సినిమా రివ్యూ & రేటింగ్!
గాలి సంపత్ సినిమా రివ్యూ & రేటింగ్!