‘ఉప్పెన’ సినిమాతో టాలీవుడ్ లో హీరోయిన్ గా ఎంట్రీ ఇచ్చింది కృతిశెట్టి. మొదటి సినిమాతోనే తన అందం, నటనతో యూత్ ను ఆకట్టుకుంది. ఈ సినిమా సూపర్ హిట్ కావడంతో కృతికి టాలీవుడ్ అవకాశాలు వెల్లువెత్తాయి. కొందరు నిర్మాతలు ఆమెకి కోటి రెమ్యునరేషన్ ఇవ్వడానికి కూడా రెడీ అయిపోతున్నారు. ప్రస్తుతం ఈమె నాని నటిస్తోన్న ‘శ్యామ్ సింగరాయ్’ సినిమాలో నటిస్తోంది. అలానే ఇంద్రగంటి మోహన్ కృష్ణ దర్శకత్వంలో ‘ఆ అమ్మాయి గురించి మీకు చెప్పాలి’ అనే సినిమాలో నటిస్తోంది.
ఇందులో సుధీర్ బాబు హీరోగా నటిస్తున్నారు. ఈ రెండు సినిమాలు ఇంకా షూటింగ్ దశలోనే ఉన్నాయి. ఇంతలో కృతికి మరికొన్ని అవకాశాలు వస్తున్నాయి. తాజాగా ఈ బ్యూటీ మరో రెండు సినిమాలు ఓకే చేసినట్లు తెలుస్తోంది. యంగ్ హీరోలు నితిన్, నాగచైతన్యలతో కలిసి నటించబోతుంది కృతిశెట్టి. కొత్త దర్శకుడు శేఖర్ తో కలిసి ఓ సినిమా చేయబోతున్నాడు నితిన్. ఇందులో హీరోయిన్ గా కృతిశెట్టిని తీసుకున్నారు. అలానే కళ్యాణ్ కృష్ణ దర్శకత్వంలో తెరకెక్కుతోన్న ‘బంగార్రాజు’ సినిమాలో నాగచైతన్య సరసన హీరోయిన్ గా కృతిని ఫైనల్ చేసినట్లు సమాచారం.
రీసెంట్ గానే రామ్ తో ఓ సినిమా ఓకే చేసింది కృతి. ఇదంతా చూస్తుంటే ఈమె క్రేజ్ ఇప్పట్లో ఆగేలా లేదు. పైగా చిన్న వయసు కావడంతో యంగ్ హీరోలంతా తమ సినిమాల్లో కృతిని తీసుకోవడానికి ఆసక్తి చూపుతున్నారు.
Most Recommended Video
విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!
