Kushboo: జబర్దస్త్ స్టేజ్ పైనే గుండు కొట్టించుకున్న భాస్కర్!

November 20, 2023 / 05:17 PM ISTByFilmy Focus

Join Us

Kushboo: జబర్దస్త్ స్టేజ్ పైనే గుండు కొట్టించుకున్న భాస్కర్!

బుల్లితెరపై ఎన్నో సరికొత్త కార్యక్రమాలు ప్రసారమవుతూ ప్రేక్షకులను ఎంటర్టైన్ చేస్తూ ఉన్నాయి. అయితే దాదాపు దశాబ్ద కాలం పైన బుల్లితెరపై ప్రసారం అవుతూ తమ కామెడీతో ప్రేక్షకులను సందడి చేస్తున్నటువంటి కామెడీ షో జబర్దస్త్ కార్యక్రమం గురించి ప్రత్యేకంగా చెప్పాల్సిన పనిలేదు. ఈ కార్యక్రమం ద్వారా ఎంతో మంది కమెడియన్స్ ప్రేక్షకుల ముందుకు వచ్చి తమ కామెడీ ద్వారా ప్రేక్షకులను మెప్పించడమే కాకుండా వారికి వచ్చినటువంటి పాపులారిటీతో ఏకంగా సినిమా అవకాశాలను కూడా అందుకున్నారు.

ఇకపోతే తాజాగా ఈ కార్యక్రమానికి సంబంధించినటువంటి ఒక ప్రోమో ప్రస్తుతం సోషల్ మీడియాలో వైరల్ గా మారింది.ప్రతి శుక్రవారం ప్రసారం కాబోయే ఎక్స్ట్రా జబర్దస్త్ కార్యక్రమంలో భాగంగా బుల్లెట్ భాస్కర్ టీం ఈసారి నిజం సినిమా స్ఫూఫ్ ద్వారా ప్రేక్షకుల ముందుకు వచ్చారు. ఈ సినిమాలో గోపీచంద్ క్యారెక్టర్ లో బుల్లెట్ భాస్కర్ నటించారు. అయితే ఈ ప్రోమోలో భాగంగా స్కిట్ లో నటిస్తున్నటువంటి భాస్కర్ ని చూసి జడ్జ్ కృష్ణ భగవాన్ సినిమాలో గోపీచంద్ కు గుండు ఉంటుంది కదా మీకు ఎందుకు లేదు అంటూ ప్రశ్నించారు.

ఈ విషయం ముందే చెప్పాలి ఇలా స్కిట్ మధ్యలో చెబితే ఎలా అంటూ బుల్లెట్ భాస్కర్ అనడంతో వెంటనే కుష్బూ స్పందిస్తూ ఏదైనా ఒక స్పూఫ్ చేసేటప్పుడు పర్ఫెక్ట్ ఉండాలి అంటూ మాట్లాడారు. స్కిట్ కోసం నేను ప్రాణం పెడతాను గుండు గీయించుకోలేనా అంటూ స్టేజ్ పైనే గుండు గీయించుకున్నారు. దీంతో కృష్ణ భగవాన్ మేము గుండు ఎఫెక్ట్ ఉంటే చాలు అని చెప్పామే కానీ గుండు గీయించుకోమని చెప్పలేదు కదా అంటూ మాట్లాడారు. దీంతో ఈ విషయం ముందే చెప్పాలి కదా ఇప్పుడు పోయిన బొచ్చు తిరిగి రాదుగా అంటూ మాట్లాడారు.

ఇలా జడ్జిలు చెప్పిన విషయానికి బుల్లెట్ భాస్కర్ ఎదురు సమాధానం చెప్పడంతో ఆగ్రహం వ్యక్తం చేసినటువంటి (Kushboo) కుష్బూ అంటే జడ్జిలుగా మేము మా నిర్ణయం చెప్పాల్సిన పని లేదా, మాకంటూ స్వతంత్రం లేదా అంటూ సీరియస్ అవ్వడమే కాకుండా ఇద్దరు కూడా అక్కడి నుంచి లేచి వెళ్లిపోయారు. అయితే ఇలాంటి స్టంట్ లు ఇదివరకు జబర్దస్త్ కార్యక్రమంలో చాలానే జరిగాయని చెప్పాలి. ఇది కూడా ఎపిసోడ్ హైలైట్ కోసమే ప్రోమోన్ ఇలా కట్ చేశారంటూ పలువురు ఈ ప్రోమో వీడియో పై కామెంట్లు చేస్తున్నారు.