సంతోష్, ఫరియా అబ్దుల్లా కెమిస్ట్రీ కేక అంటున్న ఆడియన్స్!

యంగ్ టాలెంటెడ్ యాక్టర్ సంతోష్ శోభన్, బ్యూటిఫుల్ యాక్ట్రెస్ ఫరియా అబ్దుల్లా అలియాస్ చిట్టి.. హీరో హీరోయిన్లుగా.. మేర్లపాక గాంధీ డైరెక్ట్ చేసిన ఫన్ ఎంటర్‌టైనర్.. ‘లైక్, షేర్ & సబ్‌స్క్రైబ్’.. బ్రహ్మాజీ, సుదర్శన్, సప్తగిరి కీలకపాత్రల్లో నటించిన ఈ మూవీ నవంబర్ 4న విడుదల కానుంది..

ఆముక్త క్రియేషన్స్, నిహారిక ఎంటర్‌టైన్‌మెంట్ బ్యానర్లమీద వెంకట్ బోయనపల్లి నిర్మించారు. ప్రస్తుతం ప్రమోషన్స్‌లో ఫుల్ బిజీగా ఉంది టీీం.. ప్రోమోస్, సాంగ్స్ అన్నీ ఆకట్టుకుంటున్నాయి.. ఇటీవల నేచురల్ స్టార్ నాని చీఫ్ గెస్టుగా విచ్చేయగా ప్రీ రిలీజ్ ఈవెంట్ గ్రాండ్‌గా జరిగింది..

రీసెంట్‌గా .. ‘లైక్, షేర్ & సబ్‌స్క్రైబ్’ నుండి బ్యూటిఫుల్ వీడియో సాంగ్ వదిలారు.. తన మ్యూజిక్‌ మ్యాజిక్‌తో యువతని ఉర్రూతలూగిస్తున్న రామ్ మిర్యాల ఈ సాంగ్ కంపోజ్ చేసి పాడాడు.. గోరటి వెంకన్న అద్భుతమైన పదాలు రాశారు.. ‘‘కంచెరేగి టీపీ వోలే లచ్చుమమ్మో.. నీ కంఠమెంత మధురమే ఓ లచ్చుమమ్మా’’ అంటూ సాగే సాంగ్ చాలా బాగుంది..

అందమైన లొకేషన్‌లో హీరో, హీరోయిన్ అండ్ డ్యాన్సర్స్ మీద పిక్చరైజ్ చేయడం ఆకట్టుకుంటుంది.. ముఖ్యంగా సంతోష్, ఫరియాల కెమిస్ట్రీ బాగుంది. ఫరియా కాస్త కొత్తగా, డిఫరెంట్‌గా కనిపించి కుర్రకారుని కవ్విస్తోంది.. సాంగ్‌కి సింధూజ తణుకు కోరస్ ఇచ్చారు..

సినిమాటోగ్రఫర్ వసంత్ విజువల్స్ పాటకు అందాన్ని తీసుకొచ్చాయి.. భాను మాస్టర్ వేయించిన స్టెప్స్ సింపుల్‌గా బాగున్నాయి.. ప్రస్తుతం పోస్ట్ ప్రొడక్షన్ వర్క్ జరుపుకుంటున్న ‘లైక్, షేర్ & సబ్‌స్క్రైబ్’ నవంబర్ 4న ప్రేక్షకుల ముందుకు రానుంది..

ఫస్ట్ మూవీ ‘జాతిరత్నాలు’ తోనే ప్రేక్షకులను ఆకట్టుకుని.. చిట్టీగా కుర్రాళ్ల మనసులు దోచి.. ‘బంగార్రాజు’ లో స్పెషల్ సాంగ్‌లో మెరిసిన ఫరియా కొంత గ్యాప్ తర్వాత చేసిన సినిమా.. అలాగే ప్రతి మూవీకి కథ నుండి క్యారెక్టర్ అన్నీ డిఫరెంట్‌గా ఉండేలా ప్లాన్ చేసుకుంటూ.. తన నేచురల్ పర్ఫార్మెన్స్‌తో ఆడియన్స్‌ని అలరిస్తున్న సంతోష్ శోభన్.. టాలెంటెడ్ డైరెక్టర్‌గా ప్రూవ్ చేసుకున్న మేర్లపాక గాంధీ దర్శకుడు కావడం.. ఇలాంటి పలు కారణాలతో ‘లైక్, షేర్ & సబ్‌స్క్రైబ్’ మూవీ మీద పాజిటివ్ బజ్ ఏర్పడింది..