‘లక్ష్మీస్ ఎన్టీఆర్’ లోనే అసలు నిజాలుంటాయి : లక్ష్మీపార్వతి

మహానటుడు ఎన్టీఆర్ బయోపిక్ ను రెండు భాగాలుగా తెరకెక్కించాడు క్రిష్ జాగర్లమూడి. మొదటి భాగం తాజాగా విడుదలైన ‘ఎన్టీఆర్ – కథానాయకుడు’ కాగా… రెండవ భాగం ‘ఎన్టీఆర్ – మహానాయకుడు’. ఎన్టీఆర్ కుమారుడైన నందమూరి బాలకృష్ణ నటించి నిర్మించిన ఈ చిత్రానికి మంచి టాక్ ని సొంతం చేసుకుని దూసుకుపోతుంది. ఇక తాజాగా ఈ చిత్రం గురించి లక్ష్మీపార్వతి తన స్పందనని తెలియజేసారు.

• ‘ఎన్టీఆర్ -కథానాయకుడు’ రివ్యూ కోసం ఇక్కడ క్లిక్ చేయండి 
• ‘పేట’ రివ్యూ కోసం ఇక్కడ క్లిక్ చేయండి

ఈ చిత్రం పై లక్ష్మీపార్వతి స్పందిస్తూ… ” ‘ఎన్టీఆర్ కథానాయకుడు’ చిత్రాన్ని చూడమని నన్నెవరూ ఆహ్వానించలేదు. చంద్రబాబు కనుసన్నలలోనే ఈ బయోపిక్ రూపొందింది. అందువలనే ఎన్టీఆర్ కి సంబంధించి పూర్తి వాస్తవాలు తెరకెక్కే అవకాశం లేదు. అందుకే జనంలోనూ .. నిజమైన అభిమానుల్లోను ఈ చిత్రం పై ఎలాంటి ఆసక్తి ఏర్పడలేదు. అభిమానులతో పాటూ ప్రేక్షకులు కూడా ‘లక్ష్మీస్ ఎన్టీఆర్’ చిత్రం విడుదల కోసమే ఎదురుచూస్తున్నారు. రాంగోపాల్ వర్మ.. ఉన్నది ఉన్నట్టుగా ‘ఎన్టీఆర్ బయోపిక్’ ను రూపొందిస్తున్నాడు. అసలు నిజాలన్నీ… అందులోనే ఉంటాయి” అంటూ పేర్కొన్నారు. ఇక మరో పక్క ఈ విషయం పై కొందరు నందమూరి అభిమానులు సోషల్ మీడియాలో ఆగ్రహం వ్యక్తం చేస్తున్నారు. మరి వర్మ తెరకెక్కిస్తున్న ‘లక్ష్మీస్ ఎన్టీఆర్’ ఎన్ని వివాదాలకు తెరలేపుతుందో తెలియాలంటే.. చిత్రం విడుదలయ్యే వరకు ఎదురు చూడాల్సిందే.