కామెడీ కథతో రాబోతున్న రాయ్ లక్ష్మి

లారెన్స్ పక్కన రాయ్ లక్ష్మి హీరోయిన్ గా నటించినప్పటికీ పవర్ స్టార్ పవన్ కళ్యాణ్ సర్దార్ గబ్బర్ సింగ్ లో “తోబ తోబ” సాంగ్ ద్వారా అందరికీ దగ్గరయింది. మెగాస్టార్ చిరంజీవి ఖైదీ నెంబర్ 150 చిత్రంలో “రత్తాలు” సాంగ్ తో అదరగొట్టింది. కోలీవుడ్, టాలీవుడ్ లోనే కాదు బాలీవుడ్ లోను అందాలు ఆరబోసింది. అక్కడ జూలీ 2 సినిమా చేసి అభిమానులను సంపాదించుకుంది. ఎప్పుడూ అందంతో నిండిన పాత్రలు చేసి బోర్ కొట్టిందేమో.. హాస్యం నిండిన పాత్రలు చేయాలనీ భావిస్తోంది. అందుకే “వేర్ ఈజ్ ది వెంకట్ లక్ష్మి” సినిమా చేస్తోంది. నూతన దర్శకుడు కిషోర్ దర్శకత్వంలో తెరకెక్కుతోన్న మూవీ వేగంగా షూటింగ్ జరుపుకుంటోంది.

ఇది మొదటి నుంచి చివరి వరకు నవ్వులను పంచబోతున్నట్టు సమాచారం. రాయ్ లక్ష్మి చుట్టూ కథ సాగనున్న ఇందులో నవీన్ నేని, పూజిత పొన్నాడా, మహాత్, పంకజ్ కీలక పాత్రలు పోషిస్తున్నారు. ఈ సినిమా తన కెరీర్ కి ప్లస్ అవుతుందని రాయ్ లక్ష్మి నమ్మకంగా ఉంది. దీనివల్ల మరిన్ని లేడీ ఓరియెంటెడ్ కథలు తనవద్దకు వస్తాయని భావిస్తోంది. ఈ సినిమాతో పాటు రాయ్ లక్ష్మి   మలయాళంలో “ఓరు కుట్టనందన్‌ బ్లాగ్‌”, తమిళంలో ‘నీయ 2’, కన్నడలో జాన్సీ మూవీ చేస్తోంది.