Raj Tarun: రాజ్ తరుణ్ కు రూ.70 లక్షలిచ్చానన్న లావణ్య.. ఈ ట్విస్టులు ఊహించలేదుగా!

టాలీవుడ్ ఇండస్ట్రీలో వివాదాలకు దూరంగా ఉండే హీరోగా పేరును సొంతం చేసుకున్న రాజ్ తరుణ్ (Raj Tarun)  లావణ్య అనే యువతి వల్ల ప్రస్తుతం కెరీర్ పరంగా ఇబ్బందులు పడుతున్న సంగతి తెలిసిందే. లావణ్య ఒకవైపు రాజ్ తరుణ్ పై సంచలన ఆరోపణలు చేస్తూనే మరోవైపు రాజ్ తరుణ్ నాకు కావాలంటూ కామెంట్లు చేయడం కొసమెరుపు. నార్సంగి పోలీసులు ఇప్పటికే రాజ్ తరుణ్ పై కేసు నమోదు చేసిన సంగతి తెలిసిందే. అయితే ఈ కేసుకు సంబంధించి లావణ్య వెల్లడించిన పలు విషయాలు నెట్టింట హాట్ టాపిక్ అవుతున్నాయి..

రాజ్ తరుణ్ చస్తే నేను విధవను అవుతానంటూ లావణ్య వెల్లడించారు. రాజ్ తరుణ్ కు రూ.70 లక్షలిచ్చానని లావణ్య తెలిపారు. 2008 నుంచి రాజ్ తరుణ్ తో పరిచయం ఏర్పడిందని 2014 సంవత్సరంలో పెళ్లి జరిగిందని ఆమె చెప్పుకొచ్చారు. రాజ్ తరుణ్ కు ఆర్థిక సమస్యలు ఎదురైన సమయంలో తన కుటుంబం సాయం చేసిందని లావణ్య పేర్కొన్నారు.

రాజ్ తరుణ్ చస్తే నేను విధవను అవుతానంటూ లావణ్య ఒకింత సంచలన ఆరోపణలు చేశారు. 2016 సంవత్సరంలో తాను గర్భం దాల్చితే రాజ్ తరుణ్ అబార్షన్ చేయించాడని లావణ్య పేర్కొన్నారు. రాజ్ తరుణ్ నాకు ఇల్లు రాసిస్తానని ప్రతి నెలా మెయింటనెన్స్ ఇస్తానని చెప్పాడని ఆమె చెప్పుకొచ్చారు. రాజ్ తరుణ్ ను దక్కించుకోవడానికి ఎంత దూరమైనా వెళ్తానని లావణ్య వెల్లడించారు.

రాజ్ తరుణ్ కు చెడు అలవాట్లు లేవని ఒక అమ్మాయి కోసం రాజ్ తరుణ్ నన్ను తప్పుగా చిత్రీకరించారని ఆమె చెప్పుకొచ్చారు. రాజ్ తరుణ్ ఈ కేసును లీగల్ గా ఎదుర్కొంటానని చెప్పినట్టు సమాచారం అందుతోంది. ఈ కేసుకు సంబంధించి రాబోయే రోజుల్లో ఎలాంటి మలుపులు చోటు చేసుకుంటాయో చూడాల్సి ఉంది. ఈ కేసు విషయంలో భిన్నాభిప్రాయాలు వ్యక్తమవుతున్నాయి.