‘అందాల రాక్ష‌సి’ చిత్రంతో హీరోయిన్ గా ఎంట్రీ ఇచ్చిన లావణ్య త్రిపాఠి.. ఆ సినిమా అంతగా సక్సెస్ కాకపోయినా తన నటనతో మంచి మార్కులు వేయించుకుని టాలీవుడ్లో స్థిరపడిపోయింది. ఆ తర్వాత ‘భలే భలే మగాడివోయ్’ ‘సోగ్గాడే చిన్ని నాయన’ ‘శ్రీరస్తు శుభమస్తు’ వంటి హిట్లు కొట్టినా ఈమెకు స్టార్ హీరోయిన్ ఇమేజ్ దక్కలేదు. మొదటి నుండి ఈమె ప్రయాణం పడుతూ లేస్తూ పడుతూ లేస్తూ ఉంది. అయితే యంగ్ హీరోలకు మాత్రం ఈమె ఫస్ట్ ఛాయిస్ అయిపోయింది.
అందుకే ఈమె ఇప్పటికీ బిజీగా రాణిస్తుంది. అయితే మొన్నామధ్య ఈమె నటించిన సినిమాలు అంతగా ఆడలేదు.’చావు కబురు చల్లగా’ ‘ఎ1 ఎక్స్ ప్రెస్’ ‘హ్యాపీ బర్త్ డే’ వంటి చిత్రాలు నిరాశపరచడంతో ఈమె పని అయిపోయింది అని అంతా అనుకున్నారు. కానీ మెగా హీరో వరుణ్ తేజ్ తో ప్రేమాయణం న‌డుపుతోంద‌ని, త్వ‌ర‌లో అతన్ని పెళ్లి చేసుకోబోతుంది అని వార్తలు రావడంతో మళ్ళీ హాట్ టాపిక్ అయ్యింది. అందువల్ల ఈమెకు అవకాశాలు మళ్ళీ పెరిగినట్టు అంతా అనుకుంటున్నారు.
ఓటీటీల కోసం పలు వెబ్ సిరీస్‌లతో పాటు సినిమాలతో కూడా ఈమె బిజీగా గడుపుతోంది. తెలుగులోనే కాకుండా తమిళంలో కూడా కొత్త ప్రాజెక్టులకు సైన్ చేసింది. కోన వెంక‌ట్ ద‌ర్శ‌క‌త్వంలో తెరకెక్కుతున్న `పులి మేక` అనే ఓ వెబ్ సిరీస్ లో ఈమె లీడ్ రోల్ పోషిస్తుంది. జీ 5లో ఈ వెబ్ సిరీస్ ప్రసారం కానుంది.
పీపుల్ మీడియా ఫ్యాక్ట‌రీ లో మంజునాథ ద‌ర్శ‌కుడిగా రూపొందుతున్న ఓ లేడీ ఓరియెంటెడ్ మూవీలో కూడా ఈమె హీరోయిన్ గా నటిస్తుంది. తమిళంలో కూడా బిజీ అయ్యే ప్రయత్నాల్లో ఉంది. కెరీర్ ప్రారంభం నుండి ఈమె గ్లామర్ షోకి చాలా దూరంగా ఉంటుంది. అందువల్లే ఈమె స్టార్ హీరోయిన్ అవ్వలేదు అని కొంతమంది అంటుంటారు. అయినప్పటికీ 10 ఏళ్ళుగా ఇండస్ట్రీలో బిజీ హీరోయిన్ గా రాణించడం అంటే మాటలు కాదు.
యశోద సినిమా రివ్యూ& రేటింగ్!
సరోగసి నేపథ్యంలో వచ్చిన సినిమాలు ఏంటంటే..?
‘కె.జి.ఎఫ్’ టు ‘కాంతార’..బాక్సాఫీస్ వద్ద అత్యధిక కలెక్షన్లు రాబట్టిన కన్నడ సినిమాల లిస్ట్..!
నరేష్ మాత్రమే కాదు ఆ హీరోలు కూడా భార్యలు ఉన్నప్పటికీ హీరోయిన్లతో ఎఫైర్లు నడిపారట..!
