‘అందాల రాక్షసి’ సినిమాతో టాలీవుడ్ లో హీరోయిన్ గా ఎంట్రీ ఇచ్చిన లావణ్య త్రిపాఠి తన అందం, అభినయంతో మంచి గుర్తింపు తెచ్చుకుంది. ‘సోగ్గాడే చిన్ని నాయనా’, ‘భలే భలే మగాడివోయ్’ వంటి హిట్ సినిమాలతో ప్రామిసింగ్ హీరోయిన్ అనిపించుకుంది. కానీ ఈ విజయాలను ఎక్కువ కాలం నిలబెట్టుకోలేకపోయింది. ‘మిస్టర్’, ‘రాధా’, ‘యుద్ధం శరణం’, ‘ఇంటెలిజెంట్’ ఇలా వరుసగా ప్లాప్ సినిమాల్లో నటించి తన క్రేజ్ ని తగ్గించుకుంది. ‘అర్జున్ సురవరం’ సినిమా ఓ మోస్తరు విజయాన్ని అందుకున్నప్పటికీ.. కొన్నేళ్లుగా తన నుండి వస్తోన్న సినిమాలన్నీ నిరాశ పరుస్తూనే ఉన్నాయి.
తాజాగా ఈ బ్యూటీ నటించిన రెండు సినిమాలు.. రెండు వారాల గ్యాప్ లో రిలీజ్ అయ్యాయి. సందీప్ కిషన్ తో కలిసి నటించిన ‘ఏ 1 ఎక్స్ ప్రెస్’, కార్తికేయతో నటించిన ‘చావు కబురు చల్లగా’ సినిమాలపై లావణ్య త్రిపాఠి చాలా ఆశలు పెట్టుకుంది. కానీ ఈ రెండు సినిమాలు ఆశించిన స్థాయిలో సక్సెస్ కాలేదు. ‘చావు కబురు చల్లగా’ సినిమాలో డీగ్లామరస్ రోల్ లో కనిపించి తన నటనతో ఆకట్టుకోవాలని చూసింది కానీ వర్కవుట్ కాలేదు.
దీంతో ఈమె కెరీర్ ప్రశ్నార్థకంగా మారింది. ప్రస్తుతం లావణ్య చేతిలో ఒక్క సినిమా కూడా లేదు. ‘ఏ 1 ఎక్స్ ప్రెస్’, ‘చావు కబురు చల్లగా’ సినిమాలు హిట్ అయి ఉంటే ఈ బ్యూటీకి అవకాశాలు వచ్చేవేమో. కానీ ఈ రెండూ ఆడకపోవడంతో లావణ్య కెరీర్ ముందుకు సాగేలా కనిపించడం లేదు. ఇక ఆమె కెరీర్ కి ఫుల్ స్టాప్ పడినట్లే అంటూ సోషల్ మీడియాలో కామెంట్స్ చేస్తున్నారు. మరి ఈ బ్యూటీని నమ్మి ఎవరైనా అవకాశాలు ఇస్తారేమో చూడాలి!
Most Recommended Video
రంగ్ దే సినిమా రివ్యూ & రేటింగ్!
అరణ్య సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!
Home