ఎట్టకేలకు మరో అవకాశం దక్కించుకొన్న లావణ్య త్రిపాఠి.!

“కిరాక్ పార్టీ” విడుదలకు ముందే నిఖిల్ మొదలెట్టిన సినిమా తమిళంలో మంచి విజయాన్నందుకొన్న “కనితన్” సినిమా రీమేక్. తమిళంలో అథర్వ-కేతరీన్ లు జంటగా రూపొందిన ఈ చిత్రం ఫేక్ సర్టిఫికెట్స్ నేపధ్యంలో తెరకెక్కింది. ఈ చిత్రాన్ని తమిళంలో తెరకెక్కించిన శివనే స్వయంగా తెలుగులోనూ తీస్తుండడం విశేషం. రెగ్యులర్ షూటింగ్ మొదలై రెండు నెలలు కావస్తున్నా ఇప్పటివరకూ హీరోయిన్ ఎవరనేది మాత్రం ఫిక్స్ అవ్వలేదు. మేఘా ఆకాష్, నిఖిలా వర్మ వంటి పేర్లు వినిపించినప్పటికీ..

“భలే భలే మగాడివోయ్” భామ లావణ్య త్రిపాఠి ఫైనల్ అయినట్లు తెలుస్తోంది. ఈ చిత్రానికి “ముద్ర” అనే టైటిల్ ను ఫిక్స్ చేశారు. “కేశవ, కిరాక్ పార్టీ” సినిమాలు నిఖిల్ కి ఆశించిన స్థాయి విజయాన్ని అందించలేదు. దాంతో అర్జెంట్ గా మంచి హిట్ కొట్టాల్సిన పరిస్థితి ఏర్పడింది. అందుకే మంచి కమర్షియల్ హిట్ కోసం ఈ రీమేక్ చేస్తున్నాడు. లావణ్య త్రిపాఠికి కూడా హిట్ అవసరం చాలా ఉంది. వరుస పరాజయాలతో ఢీలాపడిన ఈ అమ్మడి కెరీర్ కి ఈ చిత్రం చాలా కీలకం కానుంది. మరి ఈ ముద్ర ఈ ఇద్దరి కెరీర్ లపై ఎలాంటి ముద్ర వేస్తుందో చూడాలి.