విజయ్ లోకేశ్ కనగరాజ్ కాంబినేషన్ లో తెరకెక్కిన లియో మూవీ ఓటీటీ రిలీజ్ డేట్ కోసం అభిమానులు ఆసక్తిగా ఎదురుచూస్తుండగా అధికారికంగా లియో ఓటీటీ రిలీజ్ డేట్ గురించి ప్రకటించింది. నెట్ ఫ్లిక్స్ ఇన్ స్టాగ్రామ్ పోస్ట్ ద్వారా ఈ నెల 24వ తేదీ నుంచి ఈ సినిమాను స్ట్రీమింగ్ చేయనుందని క్లారిటీ వచ్చేసింది. తెలుగు, తమిళం, కన్నడ, మలయాళం, హిందీ భాషల్లో ఈ సినిమా స్ట్రీమింగ్ కానుండటం గమనార్హం.
లియో ఓటీటీ వెర్షన్ కోసం ఎదురుచూస్తున్న వాళ్లకు తీపికబురు ఏంటంటే మేకర్స్ అన్ కట్ వెర్షన్ ను ఓటీటీ వేదికగా రిలీజ్ చేస్తున్నారు. ఇప్పటికే థియేటర్లలో సినిమాను చూసిన వాళ్లకు సైతం మంచి అనుభూతిని లియో ఓటీటీ వెర్షన్ పంచుతుందని చెప్పడంలో ఏ మాత్రం సందేహం అవసరం లేదని చెప్పవచ్చు. ఇతర దేశాల్లో మాత్రం ఈ సినిమా నవంబర్ 28వ తేదీ నుంచి అందుబాటులోకి రానుంది.
లియో మూవీ (LEO OTT) ఫస్టాఫ్ ను అదుర్స్ అనేలా తెరకెక్కించిన దర్శకుడు సెకండాఫ్ విషయంలో మరిన్ని జాగ్రత్తలు తీసుకుని ఉంటే మూవీ రిజల్ట్ మరింత మెరుగ్గా ఉండేది. ఓటీటీలో కూడా లియో రికార్డులు క్రియేట్ చేయాలని ఫ్యాన్స్ భావిస్తుండగా ఏం జరుగుతుందో చూడాల్సి ఉంది. లోకేశ్ కనగరాజ్ లియో2 సినిమాతో మాత్రం 1000 కోట్ల రూపాయల కలెక్షన్లను సాధించాలని అభిమానులు భావిస్తున్నారు.
లియో ఓటీటీ వెర్షన్ కు సంబంధించిన అప్ డేట్ ఫ్యాన్స్ కు ఎంతగానో సంతోషాన్ని కలిగిస్తోంది. లియో సినిమా కలెక్షన్ల విషయానికి వస్తే ఈ సినిమా ఏకంగా 630 కోట్ల రూపాయల కంటే ఎక్కువ మొత్తం కలెక్షన్లను సాధించింది. ఈ సినిమాకు జరిగిన బిజినెస్ తో పోల్చి చూస్తే ఈ కలెక్షన్లు ఎక్కువ మొత్తమేనని నెటిజన్ల నుంచి కామెంట్లు వ్యక్తమవుతున్నాయి. లియో సినిమా వల్ల నెట్ ఫ్లిక్స్ కు ఆదాయం భారీగా పెరిగే ఛాన్స్ ఉందని కొంతమంది కామెంట్లు చేస్తున్నారు.లియో ఓటీటీ వెర్షన్ కు కొత్త సీన్లు హైలెట్ గా నిలిచే ఛాన్స్ అయితే ఉందని చెప్పవచ్చు.
జపాన్ సినిమా రివ్యూ & రేటింగ్!
జిగర్ తండ డబుల్ ఎక్స్ సినిమా రివ్యూ & రేటింగ్!
ఈ వారం థియేటర్/ఓటీటీల్లో రిలీజ్ కాబోతున్న 35 సినిమాలు/సిరీస్..ల లిస్ట్..!
