మిడిల్ రేంజ్ హీరోలలో ఒకరైన నితిన్ కు భీష్మ సినిమా తర్వాత వరుస షాకులు తగులుతున్నాయనే సంగతి తెలిసిందే. వరుస ప్రాజెక్ట్ లలో నితిన్ నటిస్తున్నప్పటికీ ఆ సినిమాలు ఆశించిన ఫలితాన్ని అందుకోవడం లేదు. మాచర్ల నియోజకవర్గం సినిమా ఫలితం నితిన్ ను మరింత బాధ పెట్టింది. కొత్త దర్శకుడి దర్శకత్వంలో తెరకెక్కిన ఈ సినిమా ప్రేక్షకులను తీవ్రస్థాయిలో నిరాశపరిచింది. ప్రస్తుతం నితిన్ వక్కంతం వంశీ డైరెక్షన్ లో తెరకెక్కనున్న సినిమాలో నటిస్తున్నారు.
రచయితగా తనకంటూ ప్రత్యేక గుర్తింపును సంపాదించుకున్న వక్కంతం వంశీ ఈ సినిమాతో దర్శకునిగా కూడా మంచి గుర్తింపును సొంతం చేసుకోవాలని భావిస్తున్నారు. నా పేరు సూర్య నా ఇల్లు ఇండియా మూవీ డిజాస్టర్ రిజల్ట్ ను అందుకున్న నేపథ్యంలో వక్కంతం వంశీ ఈ సినిమాకు సంబంధించిన ప్రతి విషయంలో ఎన్నో జాగ్రత్తలు తీసుకుంటున్నారు. అయితే వంశీ నితిన్ తో మారేడుమిల్లిలో తెరకెక్కించే సినిమాలో పుష్ప మూవీ తరహా సీన్ ఉంటుందని బోగట్టా.
ఈ సీన్ లో నితిన్ లారీ డ్రైవర్ గా కనిపిస్తాడని తెలుస్తోంది. ఈ సీన్ కోసం నితిన్ గెడ్డం పెంచారని బోగట్టా. ఈ సినిమాతో నితిన్ కచ్చితంగా సక్సెస్ ను సొంతం చేసుకుకుంటాననే కాన్ఫిడెన్స్ తో ఉన్నారు. నితిన్ సొంత బ్యానర్ లోనే అత్యంత భారీ బడ్జెట్ తో ఈ సినిమా తెరకెక్కనుందని సమాచారం అందుతోంది. మరోవైపు నితిన్ నటించిన మాచర్ల నియోజకవర్గం త్వరలో జీ5 ఓటీటీలో స్ట్రీమింగ్ కానుంది.
వేర్వేరు కారణాల వల్ల ఈ సినిమా స్ట్రీమింగ్ డేట్ మారిందని ఇండస్ట్రీ వర్గాల్లో వినిపిస్తోంది. థియేటర్లలో ఫ్లాప్ గా నిలిచిన మాచర్ల నియోజకవర్గం ఓటీటీలో అయినా హిట్ అనిపించుకుంటుందేమో చూడాల్సి ఉంది. నితిన్ ఈ సినిమాతో సక్సెస్ సాధించకపోతే ఆయన కెరీర్ పై తీవ్రస్థాయిలో ప్రభావం పడే అవకాశాలు అయితే ఉంటాయని కామెంట్లు వినిపిస్తున్నాయి.
లవ్ టుడే సినిమా రివ్యూ& రేటింగ్!
తోడేలు సినిమా రివ్యూ & రేటింగ్!
ఇట్లు మారేడుమిల్లి ప్రజానీకం సినిమా రివ్యూ & రేటింగ్!
ఇప్పటి వరకు బాలయ్య పేరుతో వచ్చిన పాటలు ఇవే..
