Arya Movie: ఆర్య సినిమాని ఇంతమంది హీరోలు రిజెక్ట్ చేశారా?

July 29, 2022 / 10:45 AM ISTByFilmy Focus

Join Us

Arya Movie: ఆర్య సినిమాని ఇంతమంది హీరోలు రిజెక్ట్ చేశారా?

అల్లు అర్జున్ సుకుమార్ కాంబినేషన్ లో వచ్చిన ఆర్య ఆర్య 2 పుష్ప సినిమా ఎలాంటి బ్లాక్ బస్టర్ హిట్ అందుకున్నాయో మనకు తెలిసిందే. అయితే వీరిద్దరి కాంబినేషన్లో వచ్చిన మొట్టమొదటి చిత్రం ఆర్య. ఈ సినిమా యువతను ఎంతగా ఆకట్టుకుందో మనకు తెలిసిందే.గంగోత్రి సినిమా తర్వాత అల్లు అర్జున్ నటించిన ఈ సినిమా బాక్సాఫీస్ వద్ద సూపర్ హిట్ చిత్రంగా నిలబడటమే కాకుండా ఇండస్ట్రీలో అల్లు అర్జున్ సినిమా అవకాశాలను కూడా తెచ్చి పెట్టింది.

4Aarya Movie

ఇలా ఈ బ్లాక్ బస్టర్ చిత్రంలో నటించే అవకాశం సరాసరే అల్లు అర్జున్ కి వెళ్ళలేదు ఈ సినిమా కోసం డైరెక్టర్ సుకుమార్ ముందుగా ఎంతో మంది హీరోలను కలిసారని అయితే వాళ్లందరూ రిజెక్ట్ చేయడంతోనే ఈ కథ అల్లు అర్జున్ వరకు వెళ్లిందని తెలుస్తోంది. మరి ఈ సినిమాని రిజెక్ట్ చేసిన హీరోలు ఎవరు ఎందుకు రిజెక్ట్ చేశారు అనే విషయానికి వస్తే…జయం సినిమాతో ఎంతో మంచి హిట్ అందుకున్న నితిన్ అనంతరం పలు సినిమాలలో నటిస్తూ బిజీగా ఉన్నారు.

అయితే ఈయన దిల్ సినిమా చేసే సమయంలో సుకుమార్ ఆర్య కథ సిద్ధం చేసుకుని నితిన్ కి వినిపించారట. కథ విన్న నితిన్ ఫస్ట్ హాఫ్ బాగుంది సెకండ్ హాఫ్ నచ్చకపోవడంతో ఈ సినిమాని రిజెక్ట్ చేశారు. నితిన్ రిజెక్ట్ చేయడంతో డైరెక్టర్ ప్రభాస్ వద్దకు వెళ్లారు. ఆ సమయంలో ప్రభాస్ వర్షం సినిమా చేస్తున్నారు. అయితే కథ విన్న ప్రభాస్ కథ నచ్చిందని చెప్పినప్పటికీ తన స్నేహితులు మాత్రం ఇలాంటి స్టోరీ తనకు సెట్ అవ్వదని చెప్పడంతో ప్రభాస్ సైతం ఈ సినిమాని రిజెక్ట్ చేశారు.

ప్రభాస్ కూడా ఈ సినిమానే రిజెక్ట్ చేయడంతో సుకుమార్ రవితేజ వద్దకు తన కథతో వెళ్లారు. కథ మొత్తం భిన్న రవితేజ ఇలాంటి కథ తనకు సూట్ అవ్వదని నితిన్ లాంటి వాళ్లకు బాగా సెట్ అవుతుందని సలహా ఇచ్చారట.ఈ సినిమా కోసం సరైన హీరో దొరకకపోవడంతో సుకుమార్ హీరో కోసం వెతుకుతున్నారు.అయితే అదే సమయంలో దిల్ సినిమా విడుదల కావడంతో పలువురు టాలీవుడ్ హీరోల కోసం ప్రీమియర్ షో వేశారు.

ఈ షో చూడటం కోసం అల్లు అర్జున్ రాగ అల్లు అర్జున్ ని చూసిన సుకుమార్ తన సినిమాకు పర్ఫెక్ట్ హీరో ఇతనేనని భావించి అల్లు అరవింద్ మెగాస్టార్ చిరంజీవికి కథ వినిపించారట.ఇలా వారిద్దరికీ కథ నచ్చడంతో దిల్ రాజు నిర్మాణంలో ఆర్య సినిమా తెరపైకి వచ్చింది. అలా ఈ సినిమాని ఈ హీరోలందరూ మిస్ చేసుకుని ఒక బ్లాక్ బస్టర్ సినిమాని మిస్ చేసుకున్నారని చెప్పాలి.