గత రెండు వారాల నుండీ పెద్ద సినిమాలు ఏవీ విడుదల కాలేదు. అలాగే నవంబర్ నెల మొత్తం చూసుకుంటే డబ్బింగ్ సినిమా ‘కురుప్’ తప్ప మరేదీ బ్రేక్ ఈవెన్ దరిదాపుల్లోకి వెళ్ళలేదు. దాంతో డిసెంబర్ నెల పై ప్రేక్షకుల దృష్టి పడింది. మొదటివారం ‘అఖండ’ వంటి పెద్ద సినిమా విడుదల కాబోతుంది. ఆంధ్రలో టికెట్ రేట్ల ఇష్యు నెలకొన్న తరుణంలో ‘అఖండ’ ఎంతవరకు కలెక్ట్ చేస్తుంది అనే ఆసక్తి అందరిలోనూ నెలకొంది. ఈ చిత్రం పైనే టాలీవుడ్ భవిష్యత్తు ఆధారపడి ఉంది అనేది మరికొందరి అభిప్రాయం. ఇదిలా ఉండగా.. గతవారం లానే ఈ వారం కూడా ఓటిటి మరియు థియేటర్లలో కలుపుకుని 10కి పైనే సినిమాలు విడుదల కాబోతున్నాయి. అవేంటో ఓ లుక్కేద్దాం రండి :
థియేటర్లలో విడుదల కాబోతున్న సినిమాలు :
1)అఖండ : ముందుగా చెప్పుకున్నట్టే బాలయ్య-బోయపాటి ల ‘అఖండ’ చిత్రం భారీ ఎత్తున డిసెంబర్ 2న విడుదల కాబోతుంది.
2) మరక్కార్ (అరేబియా సుమద్ర సింహం) : మలయాళ స్టార్ హీరో మోహన్లాల్,దర్శకుడు ప్రియదర్శన్ కాంబినేషన్లో రూపొందిన ఈ చిత్రం రూ.100 కోట్ల భారీ బడ్జెట్తో తెరకెక్కింది.డిసెంబర్ 3న థియేటర్లలో రిలీజవుతోంది ఈ చిత్రం.
3)స్కైలాబ్ : సత్యదేవ్, నిత్యమేనన్ ప్రధాన పాత్రల్లో విశ్వక్ ఖండేరావు దర్శకత్వంలో తెరకెక్కిన చిత్రం ‘స్కైలాబ్’. డిసెంబరు 4న ఈ చిత్రం విడుదల కాబోతుంది.
4)బ్యాక్ డోర్ : పూర్ణ ప్రధాన పాత్రలో తెరకెక్కిన ఈ చిత్రం డిసెంబర్ 3న విడుదల కాబోతుంది. కర్రి బాలాజీ ఈ చిత్రానికి దర్శకుడు.
5)తడప్ : తెలుగులో బ్లాక్ బస్టర్ అయిన ఆర్.ఎక్స్.100 ను ‘తడప్’ పేరుతో బాలీవుడ్లో రీమేక్ చేశారు. బాలీవుడ్ హీరో సునీల్ శెట్టి తనయుడు అహాన్ శెట్టి ఈ చిత్రంతో హీరోగా లాంచ్ అవుతున్నాడు.డిసెంబర్ 3న ఈ చిత్రం తెలుగు రాష్ట్రాల్లో కూడా విడుదల కాబోతుంది.
ఓటిటిలో విడుదల కాబోతున్న చిత్రాలు :
6) ద పవర్ ఆఫ్ ది డాగ్ (హాలీవుడ్) : డిసెంబర్ 1న నెట్ ఫ్లిక్స్ లో విడుదల కాబోతుంది
7)లాస్ ఇన్ స్పేస్ (వెబ్ సిరీస్) : డిసెంబర్ 1 న నెట్ ఫ్లిక్స్ లో విడుదల కాబోతుంది
8)కోబాల్ట్ బ్లూ (హాలీవుడ్) : డిసెంబర్ 3 న నెట్ ఫ్లిక్స్ లో విడుదల కాబోతుంది
9) మంచి రోజులు వచ్చాయి (తెలుగు) : డిసెంబర్ 3న ఆహాలో విడుదల కాబోతుంది
10)ఇన్ సైడ్ ఎడ్జ్ (హిందీ వెబ్సిరీస్) : డిసెంబర్ 3 న అమెజాన్ ప్రైమ్లో విడుదల కాబోతుంది
11)బాబ్ విశ్వాస్(హిందీ) : డిసెంబర్ 3న జీ5 లో విడుదల కాబోతుంది
Most Recommended Video
టాలీవుడ్ ప్రేక్షకులను అలరించిన 10 సైన్స్ ఫిక్షన్ మూవీస్ ఇవే..!
ప్రకటనలతోనే ఆగిపోయిన మహేష్ బాబు సినిమాలు ఇవే..!
ఈ 15 మంది హీరోయిన్లు విలన్లుగా కనిపించిన సినిమాలు ఏంటో తెలుసా..?
