గౌతమ్ మీనన్ దర్శకత్వంలో నటించనున్న మాధవన్

ప్రేమ కథలను మనసుకు హత్తుకునే విధంగా చూపించే దర్శకుల్లో గౌతమ్ మీనన్ ఒకరు. అతని కథలు సింపుల్ గా అనిపించినా.. ఆహ్లాదకరంగా కనిపిస్తాయి. అందుకే అతని సినిమాలు హీరోతో సంబంధం లేకుండా భారీ ఓపెనింగ్స్ అందుకుంటాయి. అందుకు నిదర్శనం ఏ మాయ చేసావే. ఇందులో హీరో హీరోయిన్స్ గా నటించిన సమంత, నాగచైతన్య కొత్తవారే. అప్పుడే పరిశ్రమలోకి అడుగు పెట్టినవారే. కానీ గౌతమ్ మీనన్ మీద నమ్మకంతో థియేటర్స్ హౌస్ ఫుల్ అయ్యాయి. మౌత్ టాక్ తో ఆ మూవీ ఘనవిజయం సాధించింది. ఆ సినిమాకి సీక్వెల్ తీయాలని గౌతమ్ మీనన్ అనుకుంటున్నారు.

అయితే ఈసారి కథలో ప్రేమ కన్నా స్నేహం గొప్పదనాన్ని చూపించనున్నట్లు కోలీవుడ్ వర్గాలు తెలిపాయి. ఇందులో ముగ్గురు హీరోలు నటించనున్నట్లు సమాచారం. అందులో ఒక హీరో ఫిక్స్ అయ్యారు. అతనే మహిళల్లో అత్యధిక ఫాలోయింగ్ ఉన్న మాధవన్. అతను గౌతమ్ మీనన్ దర్శకత్వంలో చేసిన చెలి మూవీ సూపర్ హిట్ అయింది. మళ్ళీ ఇప్పుడు వీరిద్దరూ కలిసి మూవీ చేయబోతున్నారంటే అంచనాలు పెరిగిపోతున్నాయి. ఈ చిత్రానికి ఎ.ఆర్.రెహ్మాన్ సంగీతం అందించనున్నారు. ఈ చిత్రం గురించి అధికారిక ప్రకటన త్వరలో రానుంది