వారం రోజుల వ్యవధిలో ‘మగధీర’, ‘గ్యాంగ్ లీడర్’ రీ రిలీజ్.. విశేషం ఏంటంటే..?

మెగాస్టార్ చిరంజీవి.. దాదాపు మూడు దశాబ్దాలకు పైగా తెలుగు చలనచిత్ర చరిత్రలో నంబర్ వన్ సింహాసనాన్ని అధిష్టించిన సుప్రీం హీరో.. సినిమాలకు కాస్త గ్యాప్ ఇచ్చి.. రీ ఎంట్రీలోనూ రికార్డుల దుమ్ము దులుపుతూ.. ఇప్పటికీ, ఎప్పటికీ మెగాస్టార్ మానియా తగ్గదని నిరూపించారు.. ఈ సంక్రాంతికి ‘వాల్తేరు వీరయ్య’ బ్లాక్ బస్టర్‌తో తనకు తానే పోటీ అంటూ బాక్సాఫీస్ బరిలో సందడి చేశారు. ప్రస్తుతం మెహర్ రమేష్ దర్శకత్వంలో ‘వేదాళం’ రీమేక్ ‘భోళా శంకర్’ చేస్తున్నారాయన..

మాస్ ఆడియన్స్‌ని దృష్టిలో పెట్టుకుని.. కథకి మరిన్ని మాస్, కమర్షియల్ ఎలిమెంట్స్ యాడ్ చేసి, సూపర్ హిట్ కొట్టాలనే కసితో ఉన్నారు.. ఆగస్టు 11 లేదా దసరాకి విడుదల చేయాలని సన్నాహాలు చేస్తున్నారు.. ఇదిలా ఉంటే చిరు తనయుడు మెగా పవర్ స్టార్ రామ్ చరణ్.. ‘ఆర్ఆర్ఆర్’ మూవీతో గ్లోబల్ స్థాయిలో గుర్తింపు తెచ్చుకున్నారు.. అకాడమీ అవార్డ్స్ కార్యక్రమంలో పాల్గొనడానికి అమెరికా వెళ్లిన చెర్రీ న్యూయార్క్‌లో వరల్డ్ పాపులర్ టాక్ షో ‘గుడ్ మార్నింగ్ అమెరికా’ లో పార్టిసిపెట్ చేశారు..

ఈ షోలో పాల్గొన్న ఫస్ట్ ఇండియన్ సెలబ్రిటీ చరణే కావడం విశేషం.. అక్కడ తనకున్న ఫ్యాన్ ఫాలోయింగ్ చూసి చరణ సైతం సర్ఋప్రైజ్ అయ్యారంటే.. క్రేజ్ ఏ రేంజ్‌లో ఉందో అర్థం చేసుకోవచ్చు.. ఇప్పుడు చిరు – చరణ్ కలిసి మెగాభిమానులకు, తెలుగు ప్రేక్షకులకు సాలిడ్ సర్‌ప్రైజ్ ఇవ్వబోతున్నారు.. మార్చి 27న చరణ్ బర్త్‌డే సందర్భంగా.. తన కెరీర్‌లో స్పెషల్ ఫిలిం, ఇండస్ట్రీ హిట్ అయిన ‘మగధీర’ మూవీని రీ రిలీజ్ చేయబోతున్నారు..

అలాగే అనివార్య కారణాల వల్ల వాయిదా పడుతూ వస్తున్న మెగా బ్లాక్ బస్టర్ ‘గ్యాంగ్ లీడర్’ 4K వెర్షన్, డాల్బీ డీటీఎస్‌ వంటి అత్యాధునిక టెక్నాలజీతో ముస్తాబవుతోంది.. మార్చి 4న గ్రాండ్ రీ రిలీజ్ ప్లాన్ చేస్తున్నారు..‘గ్యాంగ్ లీడర్’ సినిమాకి వచ్చే వారికి మరో బోనస్ ఏంటంటే.. చిరు సంవత్సరాల సినీ ప్రస్థానం సందర్భంగా స్పెషల్ ఏవీని ప్రదర్శించబోతున్నారు.. ఇలా వారం రోజుల గ్యాప్‌లో మెగాస్టార్, మెగా పవర్ స్టార్ ఇద్దరూ ప్రేక్షకాభిమానులకు డబుల్ ఎంటర్‌టైన్‌మెంట్ ఇవ్వబోతున్నారు..

సార్ సినిమా రివ్యూ & రేటింగ్!
‘గజిని’ మూవీ మిస్ చేసుకున్న హీరోలు ఎవరంటే?

టాప్ 10 రెమ్యూనరేషన్ తెలుగు హీరోలు…ఎంతో తెలుసా ?
కళ్యాణ్ రామ్ నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?