‘మహావతార్ నరసింహ’ చిత్రం జూలై 25న ప్రేక్షకుల ముందుకు వచ్చింది. పవన్ కళ్యాణ్ ‘హరిహర వీరమల్లు’ వంటి పెద్ద సినిమా ఉండటంతో జనాలు దీనిని పట్టించుకోలేదు. అయినప్పటికీ లిమిటెడ్ స్క్రీన్స్, తక్కువ టికెట్ రేట్లతో కూడా మంచి కలెక్షన్స్ సాధించింది. 2వ వీకెండ్ ‘కింగ్డమ్’ సినిమా వచ్చినప్పటికీ ఈ సినిమా హవా ఏమాత్రం తగ్గలేదు. మొదటి వారం కంటే 2వ వారం మరింతగా కలెక్ట్ చేసింది.
దర్శకుడు అశ్విన్ కుమార్ మహావిష్ణువు 9 అవతారాలను యానిమేటెడ్ వెర్షన్లుగా.. 9 సినిమాలుగా తీస్తానని గతంలో వెల్లడించారు. అందులో మొదటి భాగంగా ‘మహావతార్ నరసింహ’ వచ్చింది. ఆల్రెడీ రూ.100 కోట్ల గ్రాస్ మార్క్ ను దాటేసిన ‘మహావతార్ నరసింహ’ 3వ వీకెండ్ కూడా సత్తా చాటే అవకాశం కనిపిస్తుంది. ఒకసారి 2 వీక్స్ కలెక్షన్స్ ను గమనిస్తే :
| ఏపీ+తెలంగాణ | 15.05 cr |
| రెస్ట్ ఆఫ్ ఇండియా+హిందీ | 61.5 cr |
| ఓవర్సీస్ | 3.95 cr |
| వరల్డ్ టోటల్ | 80.5 cr (షేర్) |
‘మహావతార్ నరసింహ’ ప్రపంచ వ్యాప్తంగా రూ.15 కోట్ల బ్రేక్ ఈవెన్ టార్గెట్ తో బరిలోకి దిగింది. 14 రోజుల్లో ఏకంగా వరల్డ్ వైడ్ గా ఏకంగా రూ.80.5 కోట్ల షేర్ ను రాబట్టింది. రూ.65.5 కోట్ల లాభాలతో అంటే.. ఆల్మోస్ట్ 5 రెట్లు పైనే లాభాలు అందించింది అని చెప్పాలి. 14వ రోజు కూడా మొదటి రోజు కంటే ఎక్కువ కలెక్ట్ చేయడం విశేషంగా చెప్పుకోవాలి. ఫ్యామిలీ ఆడియన్స్ ఫ్లోటింగ్ కూడా ఈ సినిమాకి ఎక్కువగా కనిపిస్తుంది. 3వ వీకెండ్ కూడా ఈ సినిమా భారీగా క్యాష్ చేసుకునే అవకాశం ఎక్కువగానే ఉంది అని చెప్పాలి.
