మెహర్ రమేష్.. మెగాస్టార్ చిరంజీవికి చాలా దగ్గరి బంధువు అన్న సంగతి తెలిసిందే. మెగా ఫ్యామిలీకి చెందిన ఏకైక డైరెక్టర్ ఇతనే..! గతంలో ఈయన కన్నడంలో ఒకటి, రెండు సినిమాలు తెరకెక్కించి హిట్లు అందుకున్నాడు. అటు తర్వాత ఎన్టీఆర్ తో ‘కంత్రి’ అనే చిత్రాన్ని తెరకెక్కించి టాలీవుడ్ ఎంట్రీ ఇచ్చాడు. ఆ మూవీ పర్వాలేదు అనిపించింది. తర్వాత ‘బిల్లా’ చేశాడు, ఈ మూవీ కూడా ఓకే అనిపించింది. అయితే అటు తర్వాత చేసిన ‘శక్తి’ ‘షాడో’ సినిమాలు ఘోరంగా నిరాశపరిచాయి.
అప్పటి నుండి దర్శకత్వానికి దూరంగా ఉంటూ తన బెస్ట్ ఫ్రెండ్ అయిన స్టార్ హీరో మహేష్ బాబు చేస్తున్న యాడ్స్ కు డైరెక్షన్ చేస్తూ, అతని సినిమాల బిజినెస్ వ్యవహారాలు చూసుకుంటూ వస్తున్నాడు. అలాగే చిరంజీవితో ‘భోళా శంకర్’ అనే చిత్రాన్ని కూడా తెరకెక్కిస్తున్నాడు. కచ్చితంగా ఈ చిత్రం మెహర్ కు మంచి రీ ఎంట్రీ అవుతుంది అని అంతా భావిస్తున్నారు. ఇదిలా ఉండగా.. ఇటీవల ‘బిల్లా’ చిత్రం రీ రిలీజ్ అయిన సందర్భంగా వరుసగా పలు ఛానళ్లకు ఇంటర్వ్యూలు ఇచ్చాడు.
ఈ సందర్భంగా చిరంజీవి గురించి మనకు తెలియని కొన్ని ఇంట్రెస్టింగ్ విషయాలు చెప్పుకొచ్చారు మెహర్. అతను మాట్లాడుతూ.. ” ఇండస్ట్రీకి ఎటువంటి అవసరం వచ్చినా అన్నయ్య(చిరంజీవి) వెంటనే వాలిపోతారు. ఆయన షూటింగ్ బిజీగా ఉండి నిద్ర లేకపోయినా కూడా ఆయన లెక్క చేయరు. చిన్న సినిమాలకు ఆయన అవసరం ఉంది అంటే కచ్చితంగా ముందుకొచ్చి సాయం చేస్తారు. తాను వెళ్తే ఆ సినిమాలకు హెల్ప్ అవుతుంది అని ఆయన భావిస్తారు. నిఖిల్ సినిమా ఒకటి అలాగే రిలీజ్ కి నోచుకోలేని పరిస్థితిలో ఉంటే ఆయన సాయం చేశారు.
ఆ సినిమా ‘అర్జున్ సురవరం’. ఠాగూర్ మధు గారు ఆ చిత్రాన్ని నిర్మించారు. ఎందుకో ఆ సినిమా కొన్ని కారణాల వల్ల రిలీజ్ కష్టాలు ఎదుర్కొంటుంది. ఈ క్రమంలో చిరంజీవి గారు వెళ్లి ఆ సినిమాని చూసి..’దీనిని రిలీజ్ చేయండి, కచ్చితంగా హిట్ అవుతుంది’ అని చెప్పారు. ఆయన చెప్పినట్టే ఆ సినిమా లేట్ గా రిలీజ్ అయినా.. మంచి లాభాలు తెచ్చిపెట్టింది. అలా ఆయన ఎన్నో చిన్న సినిమాలను ప్రోత్సహించారు. అందులో సక్సెస్ అయినవి చాలా ఉన్నాయి” అంటూ మెహర్ రమేష్ చెప్పుకొచ్చాడు.
Most Recommended Video
ఓరి దేవుడా సినిమా రివ్యూ & రేటింగ్!
ప్రిన్స్ సినిమా రివ్యూ & రేటింగ్!
అత్యధిక కేంద్రాల్లో సిల్వర్ జూబ్లీ ప్రదర్శించబడిన సినిమాల లిస్ట్ ..!
