కొరటాల శివ, సూపర్ స్టార్ కాంబినేషన్లో వచ్చే సినిమా పేరు ఫిక్స్

కొరటాల శివ దర్శకత్వంలో సూపర్ స్టార్ మహేష్ బాబు నటించిన మొదటి చిత్రం శ్రీమంతుడు. ఈ సినిమా టాలీవుడ్ నాన్ బాహుబలి రికార్డులన్నీ కొల్లగొట్టింది. వీరిద్దరి కాంబినేషన్లో రెండో సినిమాకు అంతా ఒకే అయింది. జనవరి నుంచి సెట్స్ మీదకు వెళ్లనున్న ఈ ఫిల్మ్ కి టైటిల్ ని ఖరారు చేసినట్లు తెలిసింది. మహేష్ బాబు తొలిసారి ముఖ్యమంత్రి గా నటిస్తున్న ఈ చిత్రానికి  ‘భరత్ అను నేను’ అనే టైటిల్ ను ఫిక్స్ చేసినట్లు సమాచారం.

మనల్ని మనం ప్రేమించుకునే దానిని బట్టి ఇతరులపై ప్రేమ ఆధారపడి ఉంటుందనే మెసేజ్ తో రూపుదిద్దుకోనున్న ఈ మూవీకి ఇదే సరైన టైటిల్ అని కొరటాల విశ్వసిస్తున్నారు. ఇందులో ప్రిన్స్ పాత్రకి తన మీద ఎక్కువగా ప్రేమ ఉంటుందని, కథ మొత్తం చాలా సరదాగా సాగిపోతుందని టాక్. ప్రస్తుతం సూపర్ స్టార్ మురుగదాస్ దర్శకత్వంలో నటిస్తున్నారు. హైదరాబాద్ లో షూటింగ్ జరుపుకుంటున్న ఈ మూవీని డిసెంబర్ నాటికి కంప్లీట్ చేయనున్నారు. ఈ సినిమా టైటిల్ రివీల్ కాకముందే మహేష్ తర్వాతి మూవీ పేరు ఫిక్స్ కావడం విశేషం.