ప్రస్తుతం ఎన్టీయార్ హీరోగా “జనతా గ్యారేజ్” చిత్రాన్ని తెరకెక్కిస్తున్న కొరటాల శివ.. అనంతరం డివివి దానయ్యతో మరో సినిమా ఒకే చేశాడు. ఆ సినిమా తర్వాత ప్రముఖ సీనియర్ డిస్ట్రిబ్యూటర్ మిక్కిలినేని నిర్మాతగా మారుతూ రూపొందించనున్న సినిమాకు కొరటాల దర్శకత్వం వహించనున్నడు, ఈ తాజా చిత్రంలో హీరోగా నటించేందుకు ఎన్టీయార్ ఆసక్తి చూపుతున్నాడని సమాచారం.
ఇప్పుడు మహేష్ బాబు కూడా “కొరటాలే కావాలి” అంటున్నాడట. కథానాయకుడిగానే కాక నిర్మాతగానూ తనకు “శ్రీమంతుడు”తో భారీ విజయాన్ని కట్టబెట్టిన కొరటాల శివ దర్శకత్వంలో మరో సినిమా చేసేందుకు మహేష్ ఉవ్విళ్లూరుతున్నాడట. ఎంత తొందరగా కుదిరితే అంత త్వరగా కొరటాల డైరెక్షన్ లో ఇంకో సినిమా చేయడానికి ఎదురుచూస్తున్నాట్ట మహేష్ బాబు!
