‘మహర్షి’ లేటెస్ట్ అప్డేట్..!

సూపర్ స్టార్ మహేష్ బాబు హీరోగా వంశీ పైడిపల్లి డైరెక్షన్లో తెరకెక్కుతున్న చిత్రం ‘మహర్షి’. ఈ చిత్రం మహేష్ బాబు కి 25 వ చిత్రం. ‘టక్కరి దొంగ’ చిత్రం తరువాత మహేష్ బాబు కాస్త గడ్డం పెంచి డిఫరెంట్ గా కనిపిస్తున్నాడు. ఇక ఈ చిత్రంలో అల్లరి నరేష్ కూడా ఓ కీలక పాత్ర పోషిస్తున్నాడు. అశ్వనీదత్‌, ‘దిల్‌’ రాజు, ప్రసాద్ వి పొట్లూరి కలిసి భారీ బడ్జెట్ తో.. ఈ చిత్రాన్ని నిర్మిస్తున్నారు. ఈ చిత్రం పై ప్రేక్షకుల్లో భారీ అంచనాలే ఉన్నాయి. రిషి పాత్రలో మహేష్ నటిస్తుండగా.. మహాగా పూజా హెగ్దే.. మహేష్ సరసన జతకడుతుంది.

• ‘సైరా’లో ప్రత్యేక పాత్ర చేయబోతున్న అనుష్క?
• మహేష్ సొంత బ్యానర్లో అనిల్ రావిపూడి మూవీ..?
• కల్కి టీజర్ అదిరింది  

అయితే ఇప్పటివరకూ ‘మహర్షి’ చిత్రం నుండీ మహేష్ లుక్స్‌ తప్ప… హీరోయిన్ పూజా కి సంబంధించి ఎటువంటి లుక్‌ విడుదల చేయలేదు చిత్ర యూనిట్. అయితే ఎవరూ ఊహించని విధంగా.. ఈ ఆదివారం నాడు మహేష్, పూజా హెగ్దేలు ‘హగ్’ చేసుకుని ఉన్న ఓ పిక్ సోషల్‌ మీడియాలో ప్రత్యక్షమైంది. విడుదలైన కొద్ది క్షణాల్లోనే ఈ స్టిల్‌ వైరల్‌ అయిపొయింది. ఇక ఈ నెలలోనే ఈ చిత్ర షూటింగ్ ని కంప్లీట్ చేయాలనీ చిత్ర యూనిట్ ప్లాన్ చేస్తుంది. దేవి శ్రీ ప్రసాద్ సంగీతమందిస్తున్న ఈ చిత్రం ఏప్రిల్ 25 న విడుదల కాబోతుంది. జగపతి బాబు, సాయి కుమార్ తదితరులు ఈ చిత్రాల్లో నటిస్తున్నారు.