సూపర్ స్టార్ మహేష్ బాబుని ఇష్టపడని వారంటూ ఉండరు. ప్రిన్స్ కి యూత్ లోనే కాదు చిన్న పిల్లల్లోనూ పెద్ద ఫాలోయింగ్ ఉంది. మహేష్ కూడా పిల్లలంటే చాలా ఇష్టం. సమయం మరిచి పోయి వారితో ఆటల్లో మునిగి పోతారు. అందుకు నిదర్శనమే ఈ ఫోటో. సూపర్ స్టార్ ప్రస్తుతం మురుగదాస్ దర్శకత్వంలో నటిస్తున్నారు. ఈ చిత్రం షూటింగ్ హైదరాబాద్ లో జరుగుతోంది. బిజీ రోడ్లపై అత్యాధునిక కెమెరా ఎక్యుప్ మెంట్ ఉపయోగించి ప్రముఖ కెమెరా మెన్ సంతోష్ శివన్ ఛేజింగ్ సీన్ ని చిత్రీకరిస్తున్నారు. ఇందుకోసం మహేష్ సాహసోపేతమైన విన్యాసాలు చేస్తున్నారు.
అయినా ఆయన కోసం వచ్చిన స్కూల్ పిల్లల్ని చూడగానే రిలాక్స్ అయ్యారు. వారితో కలిసి కాసేపు సరదాగా గడిపారు. ఈ సంతోష సందర్భాన్ని సంతోష్ శివన్ కెమెరాలో క్లిక్ మనిపించారు. గురువారం షూటింగ్ స్పాట్ లో తీసిన ఫోటోని సాయంత్రం తన ట్విట్టర్ అకౌంట్ లో పోస్ట్ చేశారు. ఇందులో ఆనందంగా ఎగురుతున్న పిల్లల మధ్య ప్రిన్స్ నవ్వుతూ కనిపిస్తున్నారు. ఈ ఫోటో ప్రస్తుతం సోషల్ మీడియాలో ట్రెండింగ్ అవుతోంది.
With the Younger fans pic.twitter.com/SocrsShGxB
— SantoshSivanASC. ISC (@santoshsivan) October 20, 2016
