ఎప్పుడూ లేని విధంగా ‘మహర్షి’ చిత్రంలో మూడు డిఫరెంట్ లుక్స్ లో కనిపించి ఫ్యాన్స్ నే కాదు.. ప్రేక్షకుల్ని కూడా సర్ ప్రైజ్ చేసాడు మహేష్. ఆ చిత్రంలో ‘కాలేజీ స్టూడెంట్ గెటప్ లో మరికొన్ని సినిమాలు మహేష్ చేసుంటే బాగుండేది కదా’ అనేంతలా విమర్శకులు సైతం అభిప్రాయపడ్డారు. అయితే అది ‘మహేష్ 25’ వ చిత్రం కాబట్టి అంత డెడికేషన్ చూపించి ఉంటాడు అని కామెంట్స్ చేసినవాళ్ళు కూడా లేకపోలేదు. అది పక్కన పెడితే మహేష్ ప్రస్తుతం అనిల్ రావిపూడి డైరెక్షన్లో ‘సరిలేరు నీకెవ్వరు’ సినిమా చేస్తున్నాడు.
ఈ చిత్రం నుండే మహేష్ కు సంబంధించి దసరాకి ఒక లుక్.. తాజాగా దీపావళి కానుకగా ఒక లుక్ వదిలారు. ఈ రెండు లుక్స్ లో మహేష్ కొత్తగా ఏమీ కనిపించలేదు. కనీసం దసరాకి విడుదల చేసిన లుక్ లో ‘కొండారెడ్డి బురుజు’ సెంటర్ వద్ద గొడ్డలి పట్టుకుని ఉన్న పవర్ లుక్ ను విడుదల చేశారు. లుక్ పక్కన పెడితే మహేష్ ను చాలా పవర్ ఫుల్ గా చూపించారు అని సరిపెట్టుకోవచ్చు. కానీ దీపావళి కోసం విడుదల చేసిన లుక్ లో బ్లాక్ టి షర్ట్ వేసుకుని.. బ్లాక్ కళ్ళజోడు పెట్టుకుని ఎంతో స్టైల్ గా బైక్ పై వస్తున్నట్టు చూపించారు. మహేష్ అందగాడు కాబట్టి పోస్టర్ బాగుంది. కానీ ఈ లుక్ చాలా సార్లు మహేష్ సినిమాల్లో చూసినవే..! అందుకే నెటిజన్లు కూడా ‘ఎన్నాళ్ళు ఇవే లుక్స్.. మహేష్’ అంటూ కామెంట్లు చేస్తున్నారు.
విజిల్ సినిమా రివ్యూ & రేటింగ్!
ఖైదీ సినిమా రివ్యూ & రేటింగ్!
