ఉగాది పండగ వస్తోంది కదా.. మా అభిమాన హీరో సినిమా అప్‌డేట్‌ వస్తుంది అని గత కొద్ది రోజులుగా మహేష్‌బాబు ఫ్యాన్స్‌ ఎదురుచూస్తున్నారు. ఆ పండగ రానే వచ్చింది, అలాగే వెళ్లిపోయింది కూడా. అప్‌డేట్‌ అయితే రాలేదు. దీంతో మహేష్ అభిమానులు హర్ట్‌ అయ్యారు. కొందరైతే ఆ విషయాన్ని బహిరంగంగా ట్విటర్‌లో చెబుతున్నారు కూడా. ఒక్క అప్‌డేట్‌ ఇస్తే మీ సొమ్మేమైనా పోతుందా అంటూ ప్రశ్నిస్తున్నారు కూడా. అయితే దీనికి వినిపిస్తున్న ఏకైక సమాధానం ‘ఏముందని రిలీజ్‌ చేయడానికి’ అని.
త్రివిక్రమ్‌ దర్శకత్వంలో #SSMB28 సినిమా చాలా రోజుల క్రితమే అనౌన్స్‌ అయ్యింది. ‘అతడు’, ‘ఖలేజా’ తర్వాత ఈ ఇంట్రెస్టింగ్‌ కాంబో రిపీట్‌ అంటూ పెద్ద ఎత్తున ప్రచారం చేశారు. షూటింగ్‌ దగ్గరకు వచ్చేసరికి వాయిదా పడుతూ పడుతూ ఆఖరికి ఓ షెడ్యూల్‌ మొదలైంది. ఏమైందో ఏమో అనుకున్నదాని కంటే ముందే సినిమా షెడ్యూల్‌ ఆపేశారు. ఆ తర్వాత ఇప్పుడు ఏకంగా కథ మారింది అని చెబుతున్నారు. అలాగే బాబు లుక్‌ కూడా మారింది అంటున్నారు. కొత్త షెడ్యూల్‌ (తొలి షెడ్యూల్‌) ఎప్పుడు అనేది తెలియడం లేదు.
మహేష్‌బాబు కోసం తొలుత ఓ యాక్షన్‌ ఎంటర్‌టైనర్‌ కథను సిద్ధం చేశారు త్రివిక్రమ్‌. ఆ మేరకు తొలి షెడ్యూల్‌లోనే ఓ యాక్షన్‌ సీక్వెన్స్‌ని షూట్‌ చేశారు కూడా. అయితే ఏమైందో ఏమో.. ఆ కథ వద్దని మరో కథ సిద్ధం చేయమని షూటింగ్‌ ఆపేశారు. అప్పటి నుండి ఇప్పటివరకు సినిమా మొదలవ్వడం లేదు. ఇదంతా అభిమానులకు తెలుసు కూడా. అంతేకాదు ఎప్పుడు స్టార్ట్‌ అవుతుంది అనే విషయం కూడా తెలియదు.
ఈ నేపథ్యంలో సినిమా అప్‌డేట్‌ కావాలి అంటే ఎక్కడి నుండి వస్తుంది అనే ఆలోచన ఉన్నప్పటికీ.. ఫ్యాన్స్‌ కదా ఆశపడ్డారు. సినిమాకు సంబంధించిన కొన్ని విషయాలు ఇంకా చర్చల దశలోనే ఉన్నాయి. కాస్ట్‌ అండ్‌ క్రూ ఫైనలైజ్‌ అవుతోంది. కథ విషయంలో ఓ నిర్ణయానికి వచ్చారు లాంటి మాటలు చాలా రోజుల నుండి వినిపిస్తున్నాయి. త్వరగా ఇవి తేలితే అప్‌డేట్‌ రావొచ్చు.
హీలీవుడ్‌లో నటించిన 15 మంది ఇండియన్ యాక్టర్స్ వీళ్లే..!
టాలీవుడ్‌లో గుర్తింపు తెచ్చుకున్న 10 మంది కోలీవుడ్ డైరెక్టర్స్ వీళ్లే..!
తు..తు…ఇలా చూడలేకపోతున్నాం అంటూ…బాడీ షేమింగ్ ఎదురుకున్న హీరోయిన్లు వీళ్ళే
నాగ శౌర్య నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?
Home