టాలీవుడ్ సూపర్ స్టార్ మహేష్ బాబు 2020 సంక్రాంతికి ‘సరిలేరు నీకెవ్వరు’ చిత్రంతో థియేటర్లలో సందడి చేయడానికి రెడీ అవుతున్నాడు. ఇక ఈ మధ్యనే షూటింగ్ మొత్తం పూర్తయ్యింది కాబట్టి.. అభిమానుల కోసం ఓ ఫోటో షూట్ ను ఏర్పాటు చేశారు నిర్మాతలు. శేరిలింగంపల్లి , అల్యూమినియం ఫ్యాక్టరీలో ఈ ఫోటో షూట్ ను ఏర్పాటు చేశారు. ఈ విషయం తెలుసుకున్న అభిమానులు వివిధ జిల్లాల నుండీ భారీగా తరలివచ్చారు. అయితే కొంత సేపు ఆ ఫోటో షూట్ బాగానే జరిగింది.
కానీ.. మధ్యలో కొంతమంది అతి ఉత్సాహంతో తోపు లాటలు మొదలు పెట్టారు. ఈ క్రమంలో ఇద్దరి కాళ్ళు విరిగిపోవడం జరిగింది. విషయం తెలుసుకున్న పోలీసులు ఫోటోషూట్ ను నిలిపివేయాలని చెప్పడంతో.. వెంటనే మహేష్ అక్కడినుండి వెళ్ళిపోయాడు. అయితే ‘ఓ స్టార్ హీరో.. ఫ్యాన్స్ కోసం ఫోటో షూట్ ఏర్పాటు చేసినప్పుడు కనీసం సౌకర్యాలు కూడా కల్పించలేదని.. ఎండలో.. అది కూడా లైన్ లో ఉండి నిలబడితే బౌన్సర్లు.. మాపై చెయ్యిచేసుకున్నారని.. మేము ఏమీ చెయ్యకుండానే మా పై చెయ్యి చేసుకున్నారని.. మాకు మహేష్ అంటే పిచ్చి కాబట్టి ఎక్కడినుండో వచ్చాము. మమ్మల్ని ఇలా కొట్టడం ఏంటి’ అంటూ ప్రశ్నిస్తున్నారు.
Home