మరోసారి తన తండ్రి పేరుతో కనిపించబోతున్న మహేష్ బాబు..!

మహేష్ బాబు ప్రస్తుతం అనిల్ రావిపూడి డైరెక్షన్లో ‘సరిలేరు నీకెవ్వరు’ అనే చిత్రంలో నటిస్తున్నాడు. ఈమధ్యే ఈ చిత్రం షూటింగ్ కాశ్మీర్ లో మొదలైంది. ఈ చిత్రంలో ఆర్మీ ఆఫీసర్ గా కనిపించబోతున్నాడు. మహేష్ ఆర్మీ డ్రెస్ లో ఉన్న ఫోటో ఒకటి ఇటీవల బయటకి వచ్చింది. రాజేంద్ర ప్రసాద్ తో మహేష్ డిస్కస్ చేస్తూ ఉన్న పిక్ సోషల్ మీడియాలో ఇప్పటికీ తెగ వైరలవుతుంది. అయితే తాజాగా ఈ చిత్రంలో మహేష్ బాబు పాత్ర పేరు కూడా బయటకి వచ్చింది. దీంతో మహేష్ ఫ్యాన్స్ తెగ పండగ చేసుకుంటున్నారు.

‘సరిలేరు నీకెవ్వరు’ చిత్రంలో మహేష్ పాత్ర పేరు ‘మేజర్ అజయ్ కృష్ణ’. మహేష్ బాబు పాత్ర పేరులో తన తండ్రి పేరు కూడా ఉండడం అభిమానులని సంతోషానికి గురిచేస్తుంది. ‘పోకిరి’ తర్వాత మహేష్ బాబు మరోసారి కృష్ణ పేరు పెట్టుకోవడం విశేషం. ఆ చిత్రం లానే ఇది కూడా సూపర్ హిట్టవుతుందని వారు బలంగా నమ్ముతున్నారు. ఇక ‘ఒక్కడు’ ‘దూకుడు’ చిత్రాలలో కూడా మహేష్ పాత్ర పేరు అజయ్. ఆ చిత్రాలు కూడా సూపర్ హిట్లు అయ్యాయి. ఇప్పుడు ఆ పేరు కూడా కలిసి ఉండడం మరో హిట్టు సెంటిమెంట్ గా వారు భావిస్తున్నారు. ఈ చిత్రంలో దేశభక్తితో పాటు, కామెడీ, యాక్షన్ ఎలెమెంట్స్ కూడా ఉంటాయట. చాన్నాళ్ళ తరువాత లేడీ సూపర్ స్టార్ విజయశాంతి కూడా ఈ చిత్రంలో కీలక పాత్ర పోషిస్తుంది.