అడవి శేష్ ప్రధానపాత్రలో, శశికిరణ్ తిక్క దర్శకత్వంలో మహేష్ బాబు జీఏంబీ ఎంటర్‌టైన్‌మెంట్‌, ఏ ప్లస్‌ ఎస్‌ మూవీస్‌తో కలిసి సోనీ పిక్చర్స్‌ ఫిల్మ్స్‌ సంయుక్తంగా పాన్ ఇండియా స్థాయిలో నిర్మించిన చిత్రం మేజర్. ఈ సినిమా మేజర్ సందీప్ ఉన్నికృష్ణన్ జీవిత ఆధారంగా తెరకెక్కింది. ఈ క్రమంలోనే ఈ సినిమా జూన్ మూడవ తేదీ విడుదల కానుంది.విడుదల తేదీ దగ్గర పడటంతో చిత్ర బృందం వివిధ నగరాలలో పెద్ద ఎత్తున ప్రమోషన్ కార్యక్రమాలను నిర్వహిస్తున్నారు.
ఈ ప్రమోషన్ కార్యక్రమాలలో భాగంగా ఒక ఇంటర్వ్యూలో పాల్గొన్న హీరో అడవి శేష్ సినిమా గురించి ఎన్నో ఆసక్తికరమైన విషయాలను వెల్లడించారు. ఈ సందర్భంగా ఈ సినిమాకి నిర్మాతగా వ్యవహరించిన మహేష్ బాబు సినిమా చూసిన తర్వాత ఏమన్నారనే ప్రశ్న ఎదురైంది. ఈ ప్రశ్నకు అడివి శేష్ సమాధానం చెబుతూ ఇప్పటికే ఈ సినిమా చూసి మహేష్ బాబు ఇచ్చిన రివ్యూ టెలికాస్ట్ అయ్యిందని తెలిపారు. మేజర్ సినిమా చూసిన తర్వాత మహేష్ బాబు గొంతు ఎండి పోయింది.
కళ్ళ నిండా నీళ్ళు పెట్టుకుని గట్టిగా కౌగిలించుకుని చాలా గర్వంగా ఉంది అంటూ ఈ సినిమా గురించి తన అభిప్రాయాన్ని తెలియజేశారని అడవి శేష్ వెల్లడించారు. అదే విధంగా ఈ సినిమా గురించి మరెన్నో ఆసక్తికరమైన విషయాలను కూడా ఈ ఇంటర్వ్యూ సందర్భంగా వెల్లడించారు. సందీప్ ఉన్నికృష్ణన్ మరణించిన తర్వాత ఆయనకు అశోక చక్ర ప్రకటించినప్పుడు ఆయన గురించి తెలుసుకోవాలనే ఆసక్తి కలిగిందని అలా తన గురించి పూర్తిగా తెలుసుకున్న తర్వాత తన బయోపిక్ చేయాలనే ఆలోచన వచ్చిందని అడివి శేష్ వెల్లడించారు.
క్షణం సినిమా షూటింగ్ సమయంలోనే ఈ బయోపిక్ చిత్రం చేయాలని తనలో ఆలోచన వచ్చిందని ఆయన తెలిపారు. ఎంతో అద్భుతమైన ఈ సినిమాను ప్రతి ఒక్క భారతీయుడు తప్పనిసరిగా చూడాల్సిన సినిమా అంటూ అడివి శేష్ తెలిపారు.
Most Recommended Video
పెళ్లొద్దు.. సినిమాలే ముద్దు… అంటున్న 12 మంది నటీనటులు వీరే..!
తమ సొంత పేర్లనే సినిమాల్లో పాత్రలకి పెట్టుకున్న హీరోల లిస్ట్..!
ఈ 11 హీరోయిన్ల కాంబోలు అనేక సినిమాల్లో రిపీట్ అయ్యాయి..!
