శమంతకమణిలో ‘మహేష్ బాబు’ ?

శమంతకమణి…ఈ పేరు లోనే ఏదో వైబ్రెషన్స్ ఉన్నాయి. టాలీవుడ్ లో యువ హీరోలు అయినటువంటి సుధీర్ బాబు, సందీప్ కిషన్, నారా రోహిత్ కీలక పాత్రలతో మెప్పించే ప్రయత్నం చేస్తున్న ఈ సినిమా ఒక్కసారిగా అందరి దృష్టిని తమవైపు తిప్పుకుంది. అయితే ఈ సినిమా విషయంలో ప్రిన్స్ మహేష్ బాబు ప్రస్తావన రావడంతో మహేష్ అభిమానులను ఆశ్చర్య పోతున్నారు. ఇక అదే క్రమంలో యంగ్ హీరోలతో మల్టీ స్టార్ గా రూపొందించబడుతున్న ఈమూవీకి సంబంధించిన ఫస్ట్ లుక్ ఇప్పటికే విడుదలై అందరి దృష్టిని ఆకర్షించింది అన్న విషయం తెలిసిందే. అంతేకాకుండా ఈ మూవీలోని సుధీర్ బాబు లుక్ ను ఇప్పటికే మహేష్ విడుదల చేయడం మనం చూశాం. మరి ప్రిన్స్ ప్రస్తావం రావడంలో ఆంతర్యం ఏంటి….ఈ సినిమాలో ప్రిన్స్ నటిస్తున్నాడా? లేక గస్ట్ పాత్రలో మెప్పించనున్నాడా అంటే? అవేమి కాదు కంగారు పడకండి ఆశలు మ్యాటర్ ఏంటి అంటే ఈ సినిమాలో ప్రిన్స్ నటించడం లేదు, కనీసం గెస్ట్ పాత్ర కూడా లేదు, కాకపోతే నటుడు రాజేంద్రప్రసాద్ కీలక పాత్ర పోషిస్తున్న ఈ సినిమాలో అతడి పాత్ర పేరు మహేష్ బాబు అని పెట్టారు.

అంతే…దీనికి సంబంధించిన ఫస్ట్ లుక్ ను విడుదల చేసి మహేష్ అభిమానుల దృష్టిని ఈ సినిమా వైపు మరల్చడానికి ప్రయత్నాలు చేస్తున్నారు. బ్యాక్ యాంగిల్ లో రాజేంద్రప్రసాద్ నుంచుని ఉన్న స్టిల్ ను ఫస్ట్ లుక్ పోస్టర్ గా మార్చి ఈ సినిమా టీజర్ జూన్ 15వ తారీఖున విడుదల అవుతుంది అన్న విషయాన్ని ప్రకటించారు. అయితే సొంత బావ కనుక మహేష్ బాబు క్రేజ్ ను తన సినిమాల కోసం వినియోగించుకోవాలని సుధీర్ బాబు ఇప్పటికే ఎన్నో ప్రయత్నాలు చేశాడు, చేస్తూ ఉన్నాడు అందులో భాగమే ఈ పబ్లిసిటీ స్టంట్. మొత్తంగా చూసుకుంటే మహేష్ అనే పేరే పూర్తి వైబ్రేషన్స్ ను రేకెత్తించి, ఒక్కసారిగా ఈ సినిమాపై అందరి దృష్టి మరల్చింది అనే చెప్పాలి.

Also, do SUBSCRIBE to our YouTube channel to get latest Tollywood updates.