స్వర్గలోకంలో రంభ కోసం దైవదేవాదులు సైతం వేచి ఉండేవారట. ఇప్పుడు టాలీవుడ్ లో పూజా హెగ్డే కోసం కూడా మన స్టార్ హీరోలు అలాగే వెయిట్ చేస్తున్నారు. అమ్మడికి ఆ విధమైన క్రేజ్ ఎలా, ఎందుకు, ఎప్పుడు ఏర్పడింది అనే విషయం పక్కన పెడితే.. ప్రస్తుతం పూజా హెగ్డేకి ఉన్న క్రేజ్ టాలీవుడ్ లో ఏ హీరోయిన్ కీ లేదు. ఎన్టీఆర్, మహేష్ బాబు, ప్రభాస్ వంటి స్టార్ హీరోల సినిమాల్లో వరుస అవకాశాలు దక్కించుకొన్న పూజ హెగ్డే ప్రస్తుతం మోస్ట్ వాంటెడ్ హీరోయిన్ అయిపోయింది. ఆమె డేట్స్ ఎంత బిజీ అయిపోయాయంటే.. ఆమె డేట్స్ కోసం ఏకంగా మహేష్ బాబు, ఎన్టీఆర్ వెయిట్ చేస్తున్నారు.
ఎన్టీఆర్-త్రివిక్రమ్ ల క్రేజీ కాంబినేషన్ లో తెరకెక్కుతున్న “అరవింద సమేత”, మహేష్ బాబు-వంశీ పైడిపల్లిల కాంబోలో రూపొందుతున్న “మహర్షి” సినిమాలలో పూజా హెగ్డే కథానాయికగా నటిస్తోంది. ఈ రెండు సినిమాలు ఏకకాలంలో చిత్రీకరణ జరుగుతున్నప్పటికీ ఇప్పటివరకూ ఎలాంటి సమస్య తలెట్టలేదు. అయితే.. రీసెంట్ గా మొదలైన ప్రభాస్ సినిమా కోసం పూజా ఎక్కువ డేట్స్ ఇవ్వడంతో ఎన్టీఆర్-మహేష్ బాబుల సినిమాల షూటింగ్ కి సమస్య వచ్చిపడింది. దాంతో ఈ ఇద్దరు హీరోలు పూజ ఎప్పుడు ఫ్రీ అవుతుందా అని వెయిట్ చేస్తున్నారు.
