నాగార్జున మేనల్లుడు సుమంత్ హీరోగా సినిమా వచ్చిన రెండేళ్లు దాటిపోయింది. అసలే కెరీర్ అంతంత మాత్రంగా సాగుతుంటే.. మరీ గ్యాప్ తీసుకునేసరికి సుమంత్ అనే హీరో ఉన్నాడన్న సంగతే జనాలు మరిచిపోయారు. ఐతే ఈసారి తన ఉనికిని గట్టిగానే చాటుకోవాలన్న ఉద్దేశంతో బాగా గ్యాప్ తీసుకుని బాలీవుడ్ హిట్ మూవీ ‘విక్కీ డోనర్’ రీమేక్లో నటించాడు సుమంత్. ఈ చిత్రానికి నిర్మాత కూడా అతనే. మల్లిక్ రామ్ అనే కొత్త దర్శకుడు రూపొందిస్తున్న ఈ సినిమా గురించి మొన్నటిదాకా జనాలు పెద్దగా పట్టించుకోలేదు.
