సూపర్ స్టార్ మహేష్ బాబు సినిమాలను అంగీకరించడంలో కొత్త స్ట్రాటజీ ఫాలో అవుతున్నారు. మంచి చిత్రం అనే పేరు కంటే .. కమర్షియల్ గా హిట్ సాధిస్తుందా ? లేదా అని అలోచించి స్టెప్పులు వేస్తున్నారు. అంతేకాదు మాస్, క్లాస్ ని సమంగా హ్యాండిల్ చేస్తున్నారు. ప్రస్తుతం మురుగదాస్ డైరెక్షన్లో ‘స్పైడర్’ సినిమా చేస్తున్నారు. ఒక్క పాట మినహా షూటింగ్ మొత్తం పూర్తి అయింది. ఇది యాక్షన్ మూవీ అయినప్పటికీ ఏ సెంటర్స్ లో బాగా ఆడుతుంది. స్పైడర్ తర్వాత కొరటాల శివ దర్శకత్వంలో “భరత్ అను నేను” సినిమాను పట్టాలెక్కించారు. ఇది మాస్ ఆడియన్స్ కి ఇష్టమైన పొలిటికల్ బ్యాగ్ డ్రాప్ స్టోరీ. దీని తర్వాత వంశీ పైడిపల్లితో తన 25వ సినిమాను చేయనున్నారు.
దీనిని ప్రముఖ నిర్మాతలు దిల్ రాజు, అశ్వినిదత్ లు సంయుక్తంగా నిర్మించనున్నారు. అమెరికాలో ఎక్కువ భాగం షూటింగ్ జరుపుకోనున్న ఈ మూవీ క్లాస్ సినిమా అని చెప్పవచ్చు. ఆ తర్వాత చేసే సినిమా మాస్ ఆడియన్స్ ని దృష్టిలో ఉంచుకొని చేస్తున్నారు. మాస్ డైరక్టర్ బోయపాటి శీను దర్శకత్వంలో నటించడానికి గ్రీన్ సిగ్నల్ ఇచ్చారు. ఇలా కమర్షియల్ బాటలో నడుస్తూ మాస్, క్లాస్ ఆడియన్స్ ని అలరించడానికి సిద్ధమవుతున్నారు.
Also, do SUBSCRIBE to our YouTube channel to get latest Tollywood updates.
