అబ్బా.. మహేష్ ఫ్యాన్స్ కు ఆరోజు పెద్ద పండగే..!

టాలీవుడ్ సూపర్ స్టార్ మహేష్ బాబు ఫ్యాన్స్ కు ఈ ఏడాది బాగా కలిసోస్తున్నట్టే అనిపిస్తుంది. ఈ ఏడాది ఆరంభంలోనే ‘సరిలేరు నీకెవ్వరు’ చిత్రంతో బిగ్గెస్ట్ హిట్ లభించింది. ఎప్పటినుండో మహేష్ ను కంప్లీట్ మాస్ యాంగిల్ లో చూడాలి అని ఎదురుచూస్తున్న ఫ్యాన్స్ కోరిక.. ఆ చిత్రంతో తీరింది. అయితే ‘మహర్షి’ వంటి సూపర్ హిట్ ఇచ్చిన వంశీ పైడిపల్లి డైరెక్షన్ లో మహేష్ చెయ్యాల్సిన సినిమా క్యాన్సిల్ అవ్వడం కొంత నిరాశకలిగించే విషయం.

అయితే ఇప్పుడు ‘గీత గోవిందం’ దర్శకుడు పరశురాం (బుజ్జి) తో ఓ చిత్రం చెయ్యాలి అని మహేష్ ఫిక్సయ్యాడు. ఈ మేరకు స్క్రిప్ట్ ను కూడా ఫైనల్ చేసాడు. ఇప్పుడు మహేష్ కూడా ఏ టైములో ఏ సినిమా చేస్తే కరెక్టో తెలుసుకున్నాడు. తన తండ్రి కృష్ణ పుట్టినరోజున ఈ ప్రాజెక్ట్ కు సంబంధించిన అనౌన్స్మెంట్ రానుంది. ఇదిలా ఉంటే.. ‘ఆర్.ఆర్.ఆర్’ పూర్తైన వెంటనే మహేష్ తో సినిమా ఉంటుందని.. ఎవ్వరూ ఊహించని విధంగా రాజమౌళి అనౌన్స్ సర్ప్రైజ్ చేసారు.

ఈ ప్రాజెక్ట్ ౩౦౦ కోట్ల భారీ బడ్జెట్ తో ఉంటుందనే ప్రచారం కూడా జరుగుతుంది. అయితే దీని పై కూడా తన తండ్రి కృష్ణ పుట్టిన రోజునే క్లారిటీ వచ్చే అవకాశం ఉందని తెలుస్తుంది. అంతేకాదు రాజమౌళి ప్రాజెక్ట్ మొదలవ్వడానికి ఏడాదిన్నర పైనే సమయం పడుతుంది కాబట్టి.. ఈలోగా మరో చిత్రాన్ని కూడా చెయ్యాలి అని మహేష్ భావిస్తున్నాడట. ‘అర్జున్ రెడ్డి’ దర్శకుడు సందీప్ రెడ్డి వంగా డైరెక్షన్ ఈ ప్రాజెక్ట్ ఉండే అవకాశం ఉందని తెలుస్తుంది.

Most Recommended Video

దిల్ రాజు రెండో పెళ్ళి చేసుకున్న అమ్మాయి ఎవరో తెలుసా?
ఈ ఏడు రీజన్స్ తెలిస్తే ఆర్ ఆర్ ఆర్ ని వదిలిపెట్టరు
అతి తక్కువ వయసులో లోకం విడిచిన తారలు