ఉప్పెనపై మహేష్ బాబు రివ్యూ: గర్వపడేలా చేశారు!

మెగా హీరో వైష్ణవ్ తేజ్ నటించిన ఉప్పెన సినిమా ఏ రేంజ్ లో హిట్టయ్యిందో స్పెషల్ గా చెప్పనవసరం లేదు. సుకుమార్ శిష్యుడు బుచ్చిబాబు తెరకెక్కించిన ఈ సినిమా అన్ని వర్గాల ఆడియెన్స్ ను టచ్ చేసింది. ఇక స్టార్ హీరోలు దర్శకులు కూడా స్పెషల్ షోలు వేయించుకొని మరి చూస్తున్నారు. ఇక ఫైనల్ గా మహేష్ బాబు కూడా సినిమాను చూసి సినిమాపై తనదైన శైలిలో పాజిటివ్ కామెంట్స్ చేశాడు.

మహేష్ బాబుకు ఒక సినిమా నచ్చితే తన కామెంట్స్ తోనే ఆ ఇష్టాన్ని చూపించేస్తాడు. ఇక ఉప్పెన సినిమా కూడా సూపర్ స్టార్ కు బాగా నచ్చినట్లు అర్ధమవుతోంది. మహేష్ స్పందిస్తూ.. ఒక్క మాటలో చెప్పాలి అంటే ఉప్పెన ఒక క్లాసిక్. డైరెక్టర్ బుచ్చిబాబు నువ్వు టైమ్ లెస్ సినిమాను తెరపైకి తీసుకొచ్చి గర్వపడేలా చేశావు. దేవిశ్రీప్రసాద్ ఉప్పెనకు ఒక హార్ట్. మర్చిపోలేని గ్రేట్ మ్యూజిక్ ఆల్బమ్స్ లో ఇది కూడా ఒకటిగా నిలుస్తుంది. ఇప్పటివరకు నువ్వు చేసిన వాటిలో ఇది బెస్ట్ వర్క్.

ఇద్దరు కొత్త స్టార్స్ అద్భుతమైన ప్రదర్శనతో ఈ విధంగా రావడాన్ని చూసినప్పుడు నిజంగా వారిని హృదయపూర్వకంగా అభినందించాల్సిందే. వైష్ణవ్ తేజ్, కృతి శెట్టి మీరు స్టార్స్. ఫైనల్ గా సుకుమార్, మైత్రి మూవీ మేకర్స్ ఈ ప్రాజెక్ట్ వెనకాల ఉప్పెనలా నిలిచారు. నిజంగా ఇది టైమ్ లెస్ ఫిల్మ్. మిమ్మల్ని చూసి గర్వపడుతున్నాను.. అంటూ మహేష్ బాబు ఎంతో వివరంగా ఉప్పెన టీమ్ పై ప్రశంసలు కురిపించారు.

Most Recommended Video

పిట్ట కథలు సిరీస్ రివ్యూ & రేటింగ్!
నాంది సినిమా రివ్యూ & రేటింగ్!
పొగరు సినిమా రివ్యూ & రేటింగ్!