ఈరోజు సూపర్ స్టార్ మహేష్ బాబు తనయుడు గౌతమ్ పుట్టిన రోజు. ఈ సందర్భంగా ఘట్టమనేని అభిమానులు పలువురు సినీ ప్రముఖులు గౌతమ్ కు పుట్టిన రోజు శుభాకాంక్షలు తెలియజేశారు. మహేష్ కూడా తన కొడుకుకి ఓ సూపర్ ట్వీట్ తో బర్త్ డే విషెష్ చెప్పారు. “నా ఉనికికి కారణం అతనే, నన్ను నడిపించే శక్తి, నా కొడుకు, నా జీవితం, నా సంతోషం. హ్యాపి బర్త్ డే గౌతమ్” అంటూ ట్వీట్ చేశారు. ఇద్దరూ కలిసి ఉన్న రెండు ఫోటోలను పోస్ట్ చేశారు. దీంతో ఫ్యాన్స్ ఈ ఫోటోలను లైక్ చేసి, షేర్ చేస్తున్నారు. గతంలోనూ తన భార్య నమ్రత, కూతురు సితారకు అందమైన ట్వీట్ తో శుభాకాంక్షలు చెప్పారు. ప్రస్తుతం స్పైడర్ పాట షూటింగ్ నిమిత్తం రొమేనియాలో ఉన్నప్పటికీ వారసుడిపై ప్రేమ కురిపించారు.
ఈ పాట షూటింగ్ రెండు రోజల్లో పూర్తి కానుంది. అనంతరం హైదరాబాద్ కి వచ్చి భరత్ అనే నేను షూటింగ్ లో పాల్గొననున్నారు. కొరటాల శివ దర్శకత్వంలో తెరకెక్కుతున్న ఈ సినిమా సంక్రాంతికి రిలీజ్ కానుండగా, మురుగదాస్ దర్శకత్వంలో రూపొందుతున్న స్పైడర్ సెప్టెంబర్ 27న తెలుగు, తమిళ భాషల్లో విడుదల కానుంది.
Also, do SUBSCRIBE to our YouTube channel to get latest Tollywood updates.
