రెండు తెలుగు రాష్ట్రాల్లో రికార్డ్ స్థాయి స్క్రీన్లలో భోళా శంకర్ మూవీ విడుదలైంది. ప్రస్తుతం ఈ సినిమా మిక్స్డ్ టాక్ తో థియేటర్లలో ప్రదర్శితమవుతోంది. క్రిటిక్స్ నుంచి ఈ సినిమాకు మరీ భారీ స్థాయిలో రెస్పాన్స్ అయితే రావడం లేదు. అయితే ఫ్యాన్స్ మెప్పించే అంశాలు ఉండటంతో మెగా ఫ్యాన్స్ ను ఈ సినిమా ఆకట్టుకుందని కొంతమంది అభిప్రాయం వ్యక్తం చేస్తుండటం అభిమానులకు ఆనందాన్ని కలిగిస్తోంది. సూపర్ స్టార్ మహేష్ బాబు తాజాగా భోళా శంకర్ సినిమా గురించి ట్వీట్ చేయగా ఆ ట్వీట్ సోషల్ మీడియా వేదికగా హాట్ టాపిక్ అవుతోంది.
భోళా శంకర్ (Bhola Shankar) సినిమా కోసం ఎదురుచూస్తున్నానని చిరంజీవి సార్ కు, నా బెస్ట్ ఫ్రెండ్ మెహర్ రమేష్ కు, నిర్మాత అనిల్ సుంకరకు శుభాకాంక్షలు తెలుపుతున్నానని మహేష్ తన ట్వీట్ లో పేర్కొన్నారు. ఏఎంబీ సినిమాలో మెహర్ రమేష్ కు కూడా వాటా ఉంది. మహేష్ బాబు మెహర్ రమేష్ మధ్య మంచి అనుబంధం ఉంది. ఈ కారణాల వల్లే మహేష్ బాబు సోషల్ మీడియాలో ట్వీట్ చేసి ఉండవచ్చని అభిప్రాయాలు వ్యక్తమవుతున్నాయి.
మెహర్ రమేష్ భవిష్యత్తులో మహేష్ తో సినిమా చేయాలని భావిస్తుండగా మహేష్ ప్రస్తుతం పలు క్రేజీ ప్రాజెక్ట్ లతో బిజీగా ఉన్న నేపథ్యంలో ఈ కాంబినేషన్ లో సినిమా సాధ్యమవుతుందో లేదో చూడాల్సి ఉంది. మహేష్ బాబు రెమ్యునరేషన్ ప్రస్తుతం 100 కోట్ల రూపాయల రేంజ్ లో ఉండగా మహేష్ రాజమౌళి కాంబో మూవీ సక్సెస్ సాధిస్తే పారితోషికం మరింత పెరిగే అవకాశం ఉంటుంది.
మహేష్ రాజమౌళి కాంబో మూవీ హాలీవుడ్ లెవెల్ లో ఉండబోతుందని కొంతమంది అభిప్రాయం వ్యక్తం చేస్తున్నారు. జక్కన్న గత సినిమాలను మించి ఈ సినిమా ఉండనుందని సోషల్ మీడియా వేదికగా జోరుగా ప్రచారం జరుగుతుండటం గమనార్హం.
Looking forward to #BholaShankar! Sending my best wishes to @KChiruTweets sir, my dear friend @MeherRamesh, and my favourite producer @AnilSunkara1 for a blockbuster release tomorrow!
— Mahesh Babu (@urstrulyMahesh) August 10, 2023
ఆ హీరోల భార్యల సంపాదన ఎంతో తెలిస్తే షాక్ అవ్వాల్సిందే..!
రాంచరణ్ టు నాని.. ఈ 10 మంది హీరోలకి మొదటి వంద కోట్ల సినిమాలు ఇవే..!
పాత్ర కోసం ఇష్టాలను పక్కన పడేసిన నటులు వీళ్లేనా..!
