ఒక కథానాయకుడికి ఏరియా వైజ్ కొన్ని స్ట్రాంగ్ బేస్ లు ఉంటాయి. అలా మహేష్ బాబుకి నైజాం స్ట్రాంగెస్ట్ బేస్. సినిమాకి యావరేజ్ టాక్ వస్తే చాలు నైజాం ఏరియాలో కలెక్షన్స్ కుమ్మేస్తాయి. నైజం ఏరియాలో “మహర్షి” 20 కోట్లు దాటేసింది. మహేష్ సినిమాకు నైజాంలో ఈ స్థాయిలో వసూళ్లు అందడం ఇది మూడోసారి. టాలీవుడ్ లో ఏ హీరో కూడా ఈ రికార్డ్ ను అందుకోలేదు. శ్రీమంతుడు, భరత్ అనే నేను ఇప్పుడు మహర్షి సినిమాలు వరుసబెట్టి 20 కోట్ల రూపాయలు కలెక్ట్ చేసి మహేష్ ను నైజాం నవాబ్ ను చేశాయి.
అయితే.. ఓవర్సీస్ లో 5 నుంచి 6 మిలియన్ వసూలు చేస్తుందని అంచనాలు వేసుకొన్న అక్కడి డిస్ట్రిబ్యూటర్స్ మాత్రం కాస్త ఇబ్బందిపడుతున్నారు. ప్రీమియర్ షోస్ కి మొత్తం కలిపి 600K కూడా కలెక్ట్ అవ్వకపోవడం.. మొదటివారం పూర్తవుతున్నా ఇంకా 2 మిలియన్ కూడా వసూలు చేయలేకపోవడంతోనైజాంలో నవాబ్ అనిపించుకుంటున్న మహేష్ ఓవర్సీస్ మార్కెట్ ఇలా డల్ అవ్వడం అనేది కథానాయకుడిగా ఆయన ఉనికిని ప్రశ్నించే అంశం.
