మహేష్ బాబు ప్రతిష్టాత్మక చిత్రానికి లీక్ కష్టాలు

సరిగ్గా 48 గంటల్లో మహేష్ బాబు 25వ సినిమా అయిన “మహర్షి” ప్రపంచ వ్యాప్తంగా విడుదలవ్వానుంది. ఇదివరకెప్పుడూ లేని విధంగా మహేష్ బాబు కూడా ఈ సినిమా సక్సెస్ మీద చాలా కాన్ఫిడెంట్ గా ఉన్నాడు. దిల్ రాజు, ప్రసాద్ వి.పొట్లూరి, అశ్వినీదత్ లాంటి ప్రముఖ నిర్మాతలందరూ కలిసి నిర్మిస్తున్న ఈ చిత్రంపై సూపర్ స్టార్ అభిమానులు మాత్రమే కాదు రెగ్యులర్ మూవీ లవర్స్ కూడా భారీ స్థాయిలో అంచనాలు పెట్టుకొన్నారు. కానీ.. ఆ అంచనాలను తలకిందులు చేస్తూ “మహర్షి” సినిమా లీక్ అయ్యే అవకాశం ఉందనే వార్త “మహర్షి” టీం మెంబర్స్ కు మాత్రమే కాదు సూపర్ స్టార్ అభిమానుల గుండెల్లోనూ రైళ్ళు పరిగెట్టిస్తుంది.

• నువ్వు తోపురావ సినిమా రివ్యూ కోసం ఇక్కడ క్లిక్ చెయ్యండి 
• అవెంజర్స్ ఎండ్ గేమ్ సినిమా రివ్యూ కోసం ఇక్కడ క్లిక్ చెయ్యండి 
• జెర్సీ రివ్యూ కోసం ఇక్కడ క్లిక్ చెయ్యండి 
• చిత్రలహరి రివ్యూ కోసం ఇక్కడ క్లిక్ చెయ్యండి 

విషయం ఏంటంటే.. మహర్షి సినిమా హార్డ్ డిస్క్ ఒకటి ఉదయం నుంచి మిస్సింగ్ లో ఉంది. సినిమా రఫ్ కట్ మాత్రమే కాదు.. డాల్బీ ఎట్మాస్ మిక్స్ పూర్తయిన అవుట్ పుట్ కూడా ఆ హార్డ్ డిస్క్ లోనే ఉందట. ఆ హార్డ్ డిస్క్ టీం మెంబర్స్ లో ఒకరు వేరే చోటికి తరాళించడానికి తీసుకెళ్లి రెస్పాండ్ అవ్వడం మానేశాడని, ప్రస్తుతానికి టీం మెంబర్స్ అందరూ ఆ వ్యక్తి కోసం వెతుకుతున్నారని. ఇంతసేపు సినిమా ఉన్న హార్డ్ డిస్క్ కనిపించకుండాపోయింది అంటే లీక్ అయ్యే అవకాశాలు కూడా ఉన్నాయని టీం మెంబర్స్ భయపడుతున్నారు. సరిగ్గా సినిమా రిలీజ్ కి రెండు రోజుల ముందు ఇలాంటి ఇన్సిడెంట్ జరగడం అందర్నీ టెన్షన్ పెడుతోంది. మరి ఫైనల్ గా ఏమవుతుందో ఏమో చూడాలంటే రేపటివరకు ఆగాల్సిందే.